Zbornaja Biełarusi pa futbole prajhrała ŭ sieradu baŭharam i ŭ Safii. Praŭda, na hety raz naša kamanda nie vyhladała takoj biezdapamožnaj i słaboj, jak u subotu.
Zbornaja Biełarusi pa futbole prajhrała ŭ sieradu baŭharam i ŭ Safii. Praŭda, na hety raz naša kamanda nie vyhladała takoj biezdapamožnaj i słaboj, jak u subotu.
Užo na čaćviertaj chvilinie hulni biełarusy zabili hoł. Bramnik baŭharaŭ Ivankaŭ parušyŭ praviły va ŭłasnaj štrafnoj na Alaksandru Hlebu. Refery Jakabsan pryznačyŭ penalci. Napadnik “Homiela” Raman Vasiluk nie pakinuŭ baŭharam šancaŭ – 0:1.
Adnak užo praz šeść chvilin bałkancy zmahli adyhracca. Nadziva pryhožy i trapny ŭdar sa štrafnoha atrymaŭsia ŭ hulca madrydzkaha “Atletyka” Marcina Pietrava – 1:1.
Za piać chvilin da pierapynku baŭhary zmahli vyjści napierad. Haspadary pa-majstersku razyhrali štrafny ŭdar. Čaŭdaru Jankavu zastavałasia praktyčna tolki trapić u pustyja bramy – 2:1.
Druhi tajm kamandy paprostu dahulvali. Tolki adnojčy Siarhiej Karnilenka mieŭ dobry momant, kab vyraŭnić lik, adnak paśla jahonaha ŭdaru hałavoj miač prajšoŭ mima bramy.
Paśla dvuch matčaŭ z baŭharami možna amal upeŭniena havaryć, što zbornaja Biełarusi nia trapić na Eŭra-2008 u Aŭstryju i Švajcaryju. Najbolš intryhoŭnym momantam zastajecca pytańnie adstaŭki hałoŭnaha trenera Biełarusi Jurja Puntusa.
***
U astatnich matčach našaj hrupy ŭ sieradu byli zafiksavanyja nastupnyja vyniki: Rumynija – Słavienija 2:0, Luksemburh – Albanija 0:3.
Turnirnaja tablica vyhladaje nastupnym čynam: Rumynija – 17 punktaŭ, Baŭharyja – 15, Halandyja – 14, Albanija – 9, Biełaruś – 7, Słavienija – 4, Luksemburh – 0. Na Eŭra-2008 vyjduć dźvie najlepšyja kamandy hrupy.
Kamientary