BT vačyma biełarusa
Suvoryja budni
Nadychod jubileju biełaruskaha paeta Franciška Bahuševiča BT sustreła pakazam staroha savieckaha filma pra rasiejskaha hienieralisimusa Suvorava. Pra zachop «Polščy». A potym Suvoraŭ vykazvaje žadańnie pajechać adpačyć u niejkaje «Kobrino». A Bahuševiča adznačyli ścipłym vypuskam «Rodnaha słova». Na 20 chvilinaŭ.
Nia dziva, što hałoŭnaj padziejaj dla BT na tym tydni stała «mina», jakuju nibyta padkłali na Makajonka, 9 u aŭtorak. Kali brać palityčnuju versiju, dyk akcyja z adnaho boku ŭdałaja — usie supracoŭniki BT apynulisia na vulicy dy lišni raz zadumalisia, dzie jany pracujuć. Z druhoha boku — nia vielmi plonnaja: viaščańnie nie pieraryvałasia (bo jość ža j kompleks na Kamunistyčnaj, 6). Voś tolki pravieryli, što «minaŭ niama» niešta zachutka, mienš jak za dźvie hadziny. A tam ža 17 pavierchaŭ plus 4 pavierchi techničnaha kompleksu. Mo, mina ŭsio ž niedzie zastałasia lažać?
U suviazi z hetym uzhadvajecca adna trochu padobnaja historyja. Niejak na BT uvieś čas telefanavaŭ adzin vielmi niezadavoleny hladač dy aburaŭsia jakaściu dy źmiestam pieradačaŭ. Zvaniŭ, praŭda, na numar, jaki najčaściej bačyŭ na ekranie — u reklamnuju słužbu. Tamtejšym žančynam nadakučyła adkazvać za ŭsich, jany paskardzilisia svajmu kiraŭniku, a toj — u KHB. U vyniku «niaŭdziačnaha» hledača vyličyli dy zasadzili na 15 sutak. Kab adpačyŭ ad nialubaha telebačańnia. Usio słušna: «Nie padabajecca — nie hladzi!».
Arciom Łukjanovič
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary