BIBLIJATEKA

 BIBLIJATEKA

Novyja knihi, dasłanyja ŭ redakcyju

Antalohija biełaruskaj epitafii / Układalnik, aŭtar pradmovy j artykułaŭ A.Kudłasievič. -- Miensk: Uradžaj, 2000. — 222 s.: ił. — Nakład 2000 as. ISBN 985-04-0380-2

Kali Vy sabralisia pamirać ci, barani Boža, niekaha chavać — hetaja kniha dla Vas.

Dapamožnik hramadzkaha lidera. — Miensk: Centar «Supolnaść», 2000. — 228 s. — Nakład 299 as.

Usio, što treba viedać hramadzkamu dziejaču-pačatkoŭcu, usio, patrebnaje dla pieratvareńnia Vas u lidera svaje supołki ci zadzinočańnia — šukajcie ŭ hetaj knizie, napisanaj na padstavie seminaraŭ, što ładzilisia prafesijanałami z centru «Supolnaść» ciaham niekalkich hadoŭ. Nakont nabyćcia źviartajciesia na telefon 263-99-90.

Daślednik historyi troch narodaŭ — Mitrafan Doŭnar-Zapolski: Zbornik navukovych artykułaŭ i dakumentaŭ / Pad redakcyjaj V.Lebiedzievaj. — Homiel — Rečyca: HDU imia F.Skaryny, 2000. — 293 s. — Nakład 200 as. ISBN 985-439-021-7

Zbornik ułučaje artykuły j dakumenty, źviazanyja ź nieviadomymi dahetul epizodami žyćcia j hramadzkaje dy navukovaje dziejnaści słavutaha historyka.

A.Katkovič, V.Katkovič-Klentak. Uspaminy / Navukovyja redaktary A.Hłahoŭskaja, V.Charužy. — Biełastok: Biełaruskaje histaryčnaje tavarystva, 1999. — 142 s. ISBN 83-909009-9-8

I.Chruckij. Albom / Avtor vstupitielnoj staťji i sostavitiel D.Lebiedieva. — Maskva: Izobrazitielnoje iskusstvo, 2000. — 32 s., ił. — Nakład 5000 as. ISBN 5-85200-361-1

U dobra vydadzienym albomie reprezentavanyja najadmietniejšyja tvory połackaha mastaka pačatku XIX stahodździa Ivana Chruckaha. Cana 3315 rubloŭ.

Vostočnosłavianskij folkłor: poiski novych podchodov / Adkazny redaktar R.Kavalova. — Maładečna, 2000. — 94 s. — Nakład 200 as. ISBN 985-6541-04-2

Zbornik pryśviečany vyvučeńniu ŭschodniesłavianskaha falkloru ŭ kantekście ŭsiaśvietnaje tradycyjnaje kultury. Aŭtary — siabry falklornaha navukovaha tavarystva filalahičnaha fakultetu BDU.

What and where. Minsk. Spravočnyj žurnał dla turistov i diełovych ludiej. № 1 (4), krasavik — žnivień 2000 h. — Miensk, 2000. — 32 s.

Čarhovy vypusk časapisu moža być cikavy krajaznaŭcam dy lubcom rodnaje minuŭščyny. Hetta Vy znojdziecie karotki histaryčny narys pra Biełavieskuju pušču j vakolicy dy historyju paŭstańnia niezvyčajnych skulptur u mienskim Michałaŭskim hajku.

Ahlad padrychtavaŭ Viktar Muchin

«Skaryna»

Vyjšaŭ novy, užo druhi, numar analityčna-krytyčnaha ahladu «Skaryna», vydavanaha časopisam ARCHE, u jakim źmiaščajucca analityčnyja artykuły, ese, recenzii. Čytanka raznastajnaja, cikavaja i sučasnaja.

U numary — razvahi Valerki Bułhakava nad časopisam «Biełaruskaja dumka» pad nazvaju «Deklasavanaja elita», vialiki ahlad filarmanijnaha žyćcia apošnich hadoŭ i ahulnaha stanu biełaruskaj klasyčnaj muzyki, zrobleny Julijaj Andrejevaj, artykuł «Rasieja i svaboda» biełaruskaha palitolaha Ŭładzimiera Roŭdy i recenzija Andžeja Karašeŭskaha, aŭtara paryskaha časopisa Kultura, na novuju knihu Devida Łendza «Bahaćcie i biednaść narodaŭ: čamu niekatoryja bahatyja, a niekatoryja — biednyja», što ŭ niečym pierahukajecca z artykułam sp.Roŭdy. Aleh Hardzijenka prezentuje knihu ŭspaminaŭ Mikoły Ŭłaščyka, pahružajučy čytača ŭ atmasferu 20-ch i 30-ch hadoŭ i prymušajučy dzivicca intuicyi i mocy charaktaru vialikaha biełaruskaha historyka. Drukujucca taksama šmatlikija inšyja recenzii i anatacyi na novyja vydańni.

U «Biełsajuzdruku» kaštuje 220 rub., na vystavach u siadzibach BNF i TBM — 250, a ŭ «Centralnaj kniharni», «Akademknizie», «Vianku» i «Dośvitku» — 290 rub.

Medyi i kamunikacyja

Kurs lekcyjaŭ «Medyi i kamunikacyja», padrychtavany vykładčykami Biełaruskaha kalehijumu, unikalny dla Biełarusi ŭ svaim rodzie. Hetaja toŭstaja, 356 staronak, kniha, raskryvaje tajamnicy padspodnych zakonaŭ funkcyjanavańnia infarmacyjnaha hramadztva, u jakim my žyviem, apisvaje historyju raźvićcia srodkaŭ masavaj kamunikacyi i sprabuje zazirnuć u budučyniu. Siarod aŭtaraŭ lekcyjaŭ Aleś Ancipienka i Maksim Žbankoŭ (jakija i ŭkłali knihu), Juraś Barysievič, Aleś Davydčyk, Volha Dašuk, Andrej Dyńko, Juraś Karmanaŭ.

Daviedacca pra nabyćcio možna praz telefon (017) 220-63-36. Kniha vyjšła ŭ Vilni nakładam usiaho 350 asobnikaŭ.

Illaševič pieravydadzieny ŭ Maładečnie

Niadaŭna ŭ Maładečnie vyjšaŭ zborničak tvoraŭ Chviedara Illaševiča «Tvory». Pradmovu da knihi z seryi «Paezija Vilenskaha kraju» napisaŭ Arsień Lis. U zbornik patrapili vieršy z knih «Viesnapieśni», «Zornym šlacham», «Zachvarbavanyja vieršy», lepšyja vieršy druhoj pałovy 30-ch hadoŭ i paślavajennyja, napisanyja ŭ emihracyi, a taksama apaviadańnie «Tanho «Nokturno». Układańnie knihi vykanaŭ maładačanski krajaznaŭca i vydaviec Michaś Kazłoŭski.

Vasil Krokva