Pahavaryli j razyšlisia
17 lutaha ŭ BDPU imia Maksima Tanka adbyłosia pasiadžeńnie dyrektaraŭ biełaruskamoŭnych siarednich navučalnych ustanovaŭ Miensku
Šmat času było addadziena zaŭsiodnamu ŭ takich vypadkach aficyjozu, spravazdačna-ilustracyjnym dakładam. Pa staroj zaviadzioncy, im navat sprabavali nadać badziory ton. Tak, Aleś Łozka, staršynia TBŠ, aptymistyčna zapeŭniŭ schod, što kolkaść biełaruskamoŭnych škołaŭ pierastała źmianšacca i stabilizavałasia... na ličbie, jakaja składaje 4% (abo piać škołaŭ va ŭsim Miensku) ad ahulnaj kolkaści siarednich navučalnych ustanovaŭ. Vykazaŭ jon taksama nadzieju na źmianieńnie kursu administracyi dy ŭradu i zvarot ich da nacyjanalnych karanioŭ — maŭlaŭ, Stražaŭ niekali niekamu nibyta skazaŭ, što varta było b va ŭsich škołach vykładać pa-biełarusku nia tolki movu j litaraturu, ale j historyju Biełarusi, hieahrafiju Biełarusi, śpievy, kreśleńnie i pracoŭnaje navučańnie...
Uvohule, skłałasia ŭražańnie, što ŭsie prysutnyja padzialilisia na dva lahiery: prychilnikaŭ biełarusizacyi “źvierchu” i amataraŭ partyzanskich dziejańniaŭ, jakija zaklikali nie čakać łaski ad dziaržavy i ratavać nacyjanalnuju škołu ŭłasnymi namahańniami: samatuham šukać nastaŭnikaŭ, damaŭlacca z vychavacielkami dziciačych sadkoŭ. Darečy, vyklikała sprečki j pazycyja dziaržavy. Staršynia Rady dyrektaraŭ biełaruskich škołaŭ Miensku Aleś Siadziaka ličyć, što dziaržava nia staviła pałak u koły nacyjanalnaj adukacyi — jana prosta adyšła ad jaje, pierastała apiakać. I asnoŭnaja vina za katastrafičnuju sytuacyju ŭskładajecca mienavita na dyrektaraŭ škołaŭ, jakija nie adstajali biełaruskaj škoły, dazvolili adbycca tym lakalnym baćkoŭskim “referendumam”, paśla jakich, ułasna, i była pachavanaja balšynia biełaruskich škołaŭ. Nie paśpieła, adnak, dyskusija nabrać abaroty, zachapić usich udzielnikaŭ kruhłaha stała, jak arhanizatary pačali nastojliva akcentavać uvahu na tym, što “čas užo j harbaty papić”. Paśla hetaha niejak śpiecham, skamiečana adbyłosia hanaravańnie 13-ci lepšych biełaruskich škołaŭ Miensku (hramatu za numaram 1 atrymaŭ Humanitarny licej), i dyrektary pajšli na furšet, padčas jakoha mielisia jašče padpisać zvarot da ŭsich dyrektaraŭ škołaŭ Biełarusi.
S.M.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje6
Kamientary