Naviny haspadarskija
KAB PRADAĆ DOM, kvateru ci haraž, ciapier treba mieć daviedku z padatkovaj inspekcyi ab spłačanych padachodnym i ziamielnym padatkach.
KARTKU DLA TELEFANAVAŃNIAŬ ź inšych krainaŭ u Biełaruś vyrabiŭ “Biełtelekam”. Košt chviliny razmovy — 532 rubli. Karystacca kartkami možna ŭ Rasiei, Litvie, Vuhorščynie, Niamieččynie, Švajcaryi i Finlandyi.
ČERVIEŃSKAJA SUCHATA źniščyła 3% płoščaŭ žyta i 9% rapsu. Najbolš paciarpieŭ ad śpioki ŭschod krainy.
PADARAŽELI kamunalnyja pasłuhi. Vada, kanalizacyja i aciapleńnie — na 0,4%, vyvaz śmiećcia — na 10%, techabsłuhoŭvańnie damoŭ — na 50%, karystańnie liftam — na 70%.
15%-Ja ŹNIŽKI pa padatku na prybytak atrymali pradpryjemstvy čarnobylskaj zony. Padatkovaja lhota zachavajecca ciaham 5 hadoŭ.
HANDAL Z RASIEJAJ skaraciŭsia za studzień—krasavik na 4,5% (u paraŭnańni z takim samym peryjadam letaś). Naša kraina źmienšyła ekspart charčavańnia, a taksama impart nafty i hazu. Na Rasieju prypadaje 56,7% zamiežnaha handlu Biełarusi.
MAŁAKO, MASŁA I ŚMIATANA na Viciebščynie patańniejuć na 10%. Hetak tut majuć supraćstajać rasiejskim praduktam charčavańnia.
NACYJANALIZAVAĆ “ALIVARYJU” — takaja ideja źjaviłasia ŭ vice-premjera Papkova. Vytvorčaść piva na brovary sioleta źmienšyłasia na 17%. Ministerstva ekanomiki pakul suprać: dziaržava nia maje nivodnaj akcyi “Alivaryi”.
AD DEKLARAVAŃNIA DACHODAŬ vyzvalajucca hramadzianie, jakija nabuduć akcyi pradpryjemstvaŭ ci ich majomaść na sumu da 15 tys. bazavych vieličyniaŭ (150 młn. rubloŭ). Raniej deklaracyju mahli nie padavać tyja, chto nabyvaŭ akcyi ci majomaść na sumu da 2 tys. bazavych vieličyniaŭ. Taki krok dapamoža pryciahnuć investycyi j źmienšyć cieniavy sektar ekanomiki.
S.I.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary