praciah temy
Adzinaje, što nam patrebna ŭ Maskvie
Hatel “Maskva”, dzie zahinuŭ Janka Kupała, chutka źniasuć. Na jaho miescy maskoŭskaja meryja vyrašyła pastavić novy, z vyhladu hetki samy. Ale interjer novaj “Maskvy” budzie całkam inšy. Źniknuć apošnija “materyjalnyja śviedki” Kupałavaje śmierci — numar, dzie jon žyŭ, leśvica, pa jakoj išoŭ, plity, na jakija ŭpaŭ.
Žanna Dapkiunas, dyrektarka muzeju Janki Kupały, u kamentary dla “NN” zaznačyła: “Treba zachavać i hetuju, nia samuju lepšuju staronku historyi. Pahatoŭ što zachavalisia i plity, i tyja dźviery, ź jakich Kupała apošni raz vyjšaŭ. Treba było b usio heta vyvieźci, bo ŭ Maskvie pra zachavańnie nichto kłapacicca nia budzie. A ŭ nas možna pastavić choć by ŭ ekspazycyi muzeju: heta byŭ by trahičny i razburalny vobraz... 4—5 lipienia ŭ muzei adbudziecca kanferencyja, na jakuju pryjedzie z Maskvy Alaksiej Kaŭka. Pahavorym ź im: jamu na miescy, u Maskvie, budzie praściej niešta arhanizavać”.
Biełaruskamu hramadztvu vyratavać plity ź miesca Kupałavaje hibieli praściej, čym pieravieźci pareštki z mahiły Bahdanoviča. Tolki rabić heta treba nieadkładna: sabrać hrošy, damovicca z maskoŭskaj meryjaj… Zmarnavany čas — zmarnavanyja mahčymaści. U hod, kali adznačajucca 120-ja ŭhodki z dnia naradžeńnia paeta, źniščeńnie hatelu, dzie skanaŭ Kupała, nabyvaje prosta symbaličnuju značnaść.
“NN” budzie infarmavać čytačoŭ pra toje, jak ruchajecca sprava.
A. Š.
“Maskvu” sprajektavaŭ architektar Ščusieŭ u 1935 h. Heta byŭ pieršy hatel, uźviedzieny za savietami. Da jaho budaŭnictva spryčyniŭsia j “vialiki siabra architektaraŭ”. Kali Stalinu prynieśli na vybar dva varyjanty fasadu, namalavanyja na adnym arkušy vatmanu, jon zaćvierdziŭ prajekt, padpisaŭšysia miž rysunkami. Pierapytvać nie navažylisia: daviałosia rabić adnu pałovu fasadu pavodle adnaho prajektu, a druhuju — zhodna z druhim.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary