naviny haspadarskija
125 DALARAŬ SIAREDNIAHA ZAROBKU abiacaje naleta ŭrad. Hrošy majuć aščadzić na biudžetnaj sfery. Užo da kanca hetaha hodu začyniać pad 100 małych škołaŭ u vioskach.
ŹNIAĆ ADNAPAKAJOŬKU ŭ Miensku možna nia mienš čym za 60 dalaraŭ u miesiac. Staličnyja ryełtary kažuć, što najbližejšym časam ceny nia źmienšacca, bo na tannyja kvatery vialiki popyt u studentaŭ. Hod tamu za adnapakajoŭku prasili 50 dalaraŭ.
NA 2% PATAŃNIELI KREDYTY Nacbanku. Ciapier kredyt tut možna ŭziać pad 42% hadavych. U Nacbanku tłumačać źnižku spynieńniem inflacyi: za lipień ceny padvysilisia tolki na 1,2%.
HAREŁKA PADARAŽEŁA na 4%. Paŭlitrovaja plaška “Kryštalu-100” kaštuje 2555 rub., “Biełaj Rusi” i “Kryštalu-luks” — 2640, “Biełaj Rusi-luks” i “Kryštalu-luks novy” — 2735. Z pačatku hodu vadkaja valuta padaražeła ŭžo bolej čym na 25%.
50 TYS. TELEFONAŬ ustalavali za pieršuju pałovu hodu. Ciapier u čarzie pa chatnija telefony stajać 150 tys. čałaviek. Tracina ź ich — ilhotniki.
80% MIENSKICH TRAMVAJAŬ treba śpisvać ciaham nastupnych 3 hadoŭ. Vartaj zamieny im nia budzie. Sioleta stalica znajšła hrošy tolki na 15 novych “biełkamunmašaŭskich” tramvajaŭ i na 10 byłych u karystańni mašynaŭ ź Niamieččyny.
KVADRATNY METAR ŽYLLA patańnieŭ na 13,6% za hod. Siońnia jaho košt u standartnych “panelnikach” — 220—300 tys. rubloŭ. Praŭda, heta biez padłohi, dźviarej i špaleraŭ.
PADARAŽEŁA ZOŁATA. U Nacbanku źlitak u 1 hram možna kupić za 28253, a 10 hramaŭ — za 221634 rubli.
PIATY VAHON da ciahnikoŭ metro dačepiać u vieraśni. Kuplali dadatkovyja vahony ŭ Rasiei.
ŹLIKVIDAVAĆ ČASTKU LHOTAŬ prapanuje Ministerstva ekanomiki. Ilhoty skasujuć “čarnobylcam”, vajskoŭcam i hierojam SSSR. Aproč taho, padaražejuć kamunalnyja pasłuhi. Kali ciapier nasielnictva krainy apłačvaje 40% ich sabiekoštu, dyk naleta hetaja ličba pavialičycca da 60%.
ZVYŠCIOPŁY AŬTOBUS zrabili na MAZie. Najpierš jaho buduć pradavać u Rasieju.
S.I.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary