Duet «Svet&Al». Dema-albom, (r) 2002
[CD_Diggin'it.JPG] Kali ja ŭpieršyniu pačuŭ hety duet, dyk adrazu padumaŭ, što heta, vidać, u tannyja biełaruskija VNU paciahnulisia studenty z Novaha Arleanu (pra heta śviedčyła ich hłyboka pravincyjnaje vymaŭleńnie). Kali ž ja pabačyŭ hety duet svaim stomlenym ad zornaha źziańnia ajčynnych estradnych idałaŭ zrokam, musiŭ nieadnakroć źmianić usie linzy: heta byli maładyja (!), biełaruskija (!!), bluzavyja (!!!) muzyki, jakija nasamreč nia mieli płejbeku, a tamu ihrali ŭžyvuju, ščyra i pry hetym — daskanała. Nie, nia etna jakoje, nia fjuž, a samy što ni jość kandovy bluz, jaki vykonvali čarnaskuryja niavolniki na bavaŭnianych plantacyjach amerykanskaha Poŭdnia jašče ŭ siaredzinie pazaminułaha stahodździa. Tak, zdajecca, i zaśpiavaŭ by pad «Śviet end Eł»: «Moj rodny bluz, jak ty mnie miły!»
Nikoli raniej na spradviečna «biełych» ziemlach čuć takoje sapraŭdy aŭtentyčnaje vykanańnie akustyčnaha delta-bluzu nie davodziłasia. Duet demanstruje ničym nie vytłumačalnaje razumieńnie sutnaści taje muzyki.
Artadoksy stylovaj čyścini śćviardžajuć: siońnia vykanać narmalova bluz u Biełarusi — toje samaje, što čarnaskuramu žycharu delty Misysypi aŭtentyčna praśpiavać «From Monday To Monday (Little Drabnitsa)».
Toje, što robiać hetyja chłopcy, pracinaje naskroź. Kali, kaniečnie, tvaje viedy pra muzyku nie abmiažoŭvajucca repertuaram Kirkorava. Ja nazvaŭ by hety duet najbolš jaskravym i pravilnym adkryćciom hodu ŭ biełaruskaj papularnaj muzycy.
A jašče na dysku jość «Walkin' Blues», zapisany z udziełam vakalista Big Val'a. Źjavilisia čutki, što jany pačynajuć užo pracavać utroch, a toj samy Bih Uoł moža paprostu adčyniać u Miensku majsterniu pieršasnaj bluzavaj adukacyi dla tych, chto nasamreč žadaje źviedać pryciahalnaść sapraŭdnaje «błakitnaje» notki.
Adkapany SŁUCHAČ
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii52
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary