Dzie varta być

14 lutaha

Śviatočny špacyr

Tyja, chto sumiaščaje kachańnie z čytańniem, mohuć na Dzień śviatoha Valancina naviedać vystavu «Kniha biaź miežaŭ» u biblijatecy NAN (vuł. Surhanava, 15). Vydatnaja mahčymaść pakapacca ŭ peryjodycy, što rassyłajecca pa sietcy Mižnarodnaha knihaabmienu, pabačyć navinki biełaruskich vydaviectvaŭ. Bahata tam polskaj navukovaj litaratury, pryśviečanaj dośviedu ekanamičnych reformaŭ. Tak što i siamu-tamu z uradu karysna było b zajści.

Nie zacikavić — ad płoščy Jakuba Kołasa a 17-j pačniecca śviatočnaje šeście «Maładoha frontu». Pasolstvy hetym razam abychodzić nia buduć — pakirujucca na «karnavalny mitynh» da Opernaha. Što vielmi darečy, bo ŭviečary tam dajuć «Trubadura» Džuzepe Verdzi. Kali ž kvitki (da siami tysiačaŭ) buduć nie pa kišeni, suciešcie svajho kachanaha(uju) tym, što zaprosicie 19-ha na «Ryhaleta» taho samaha Verdzi. Tam tańniej.

Kali j tudy kvitki padaducca zadarahimi — prosta šlach vam na płošču Banhałor, dzie a 16.30 pačniecca tradycyjnaja akcyja Federacyi prafsajuzaŭ Biełaruskaj pad lozunham «Zarobak — na ŭzrovień cenaŭ!» Pacyfisty mohuć zastacca ŭ parku Družby narodaŭ da nastupnaha dnia, na jaki Leanid Kozik zaplanavaŭ akcyju pratestu suprać vajny ź Irakam i dabračynny kancert z udziełam biełaruskich vykanaŭcaŭ. Ale Finbierha tam nia budzie. 14-ha jon z svaim arkiestram vystupić u Smalavičach. Budzie žadańnie pasłuchać hitaru Siarhieja Ancišyna — prychodźcie!

A žychary Kastryčnickaha rajonu stalicy, jakim nie zachočacca 14-ha nikudy jści, mohuć patelefanavać u rodnuju administracyju, što ładzić prostuju telefonnuju liniju. Numary — 216-13-60 (adździeł zaniataści) i 231-71-17 (adzieł žyllovaje palityki).

Fest dakumentalnaha kino

Fest dakumentalnaha kino «Adzin śviet» budzie składacca z 10 filmaŭ. Pracoŭnaja formuła festu — hadzina kino plus 40 chvilinaŭ dyskusii. Filmy aśviatlajuć padziei ŭ «haračych kropkach» («Hałasy z Vostravu svabody», «Tybet — stračanyja ludzi») i apaviadajuć pra dziejnaść arhanizacyjaŭ kštałtu «Greenpeace». Filmy buduć demanstravacca va Ŭpravie BNF (Varvašeni, 8) ad 19 lutaha da 1 sakavika štodnia, aproč niadzieli. Pačatak a 18-j. Uvachod volny.

U teatry Mazynskaha premjera

21 i 22 lutaha teatar «Volnaja scena» i režyser Valery Mazynski zaprašaje ŭsich achvotnych na premjeru spektaklu «Vodblisk dalokaj małanki». Spektakli adbuducca ŭ Domie veteranaŭ (vuł.Janki Kupały, 21). Pačatak a 19-j. Kvitki kaštujuć 3—5 tys. rubloŭ.

Barokavaja muzyka

19 lutaha ŭ Domie veteranaŭ (vuł.Janki Kupały, 21) vystupić baranavicki hurt «Kantradans». U prahramie — «Połacki sšytak» (muzyka Renesansu i Baroka). Taksama ŭ čas kancertu možna budzie pačuć lutnievuju muzyku ŭ vykanańni Jurja Dubnavickaha ź Pinsku. Pačatak u 19.00. Košt kvitka 4000.

Hardkor u «Reaktary»

20 lutaha ŭ klubie «Reaktar» (vuł.Charužaj, 29) adbudziecca fest «HARDCOREmanija: čadu!» z udziełam hurtoŭ «Zet», «Lalki», «Partyzone». Košt kvitka 5500 (tancpoł), 7000 (za stolikam). Pačatak a 19-j.

• 0
• 0
• 0
• 0
• 0
• 0
• 0
• 0