Na minułym tydni majo zaŭsiody skiravanaje naleva voka pačało kryvicca naprava.Pryčyna kasavokaści — rasiejskija levyja, jakija napiaredadni dumskich vybaraŭ uvajšli ŭ arahienitalny kantakt z fašystami.
Voś «Partyja pracy» A.Šeina pryarmianiłasia da bloku Hłaźjeva. U pieršaj trojcy pieradvybarčaha hłaźjeŭskaha kartelu staić toj samy Baburyn, jaki zavabiŭ francuskaha neanacysta Lo Pena ŭ Sibir na mahiłku Kałčaka, kab razam uzhadać niavinnuju achviaru parchataha balšavizmu. Šein kaaperacyju z fašnioj apraŭdvaje tym, što Hłaźjeŭ daŭ jamu dva miescy ŭ federalnym śpisie. Miž tym vyśvietliłasia, što šeinski namieśnik Chramaŭ hetyja miescy ŭžo pradaŭ. Pačaŭsia skandał, jaki skončyŭsia «splitam» — na palitžarhonie «raskoł». Adkolniki zapisalisia da Paŭła Baradzina, jakomu patrapić u Dumu taksama dapamahajuć žydajedzkija partyi — «Za Ruś Śviatuju» i «Za Śviatuju Ruś».
Biełaruskija levyja na fonie rasiejskich kalehaŭ vyhladajuć prosta paińkami-eŭrakamunistami, kłonami Karła Berlinhuera i Žorža Marše.
Na minułym tydni Kalakin, Buchvostaŭ i Šuškievič padpisalisia pad levaŭhodnaj spravaj adzinaj demakratyčnaj apazycyi. Statkievič korčyć cełku, adnak, vidavočna, nie tamu, što jaho kazyča ideja zaprasić u Biełaruś Hajdera i ŭšanavać pamiać ukakošanych tut sałdataŭ Vermachtu.
Jak bačym, pamiž idejnymi pryjarytetami rasiejskich i biełaruskich levych — hrand-kańjon. Heta mimavoli ŭmacoŭvaje lubimy tezys pravych ab tym, što nijakich universalnych čałaviečych katehoryjaŭ nie isnuje, zatoje isnujuć varožyja cyvilizacyi, naprykład azijackaja i eŭrapiejskaja. Franćjer pamiž imi prachodzić pa zali bufetu na stancyi «Čyrvonaja» (pierahon Vorša—Smalensk).
Kali heta tak, to mnie zastajecca tolki raśpisacca ŭ svajej idejnaj kanfuzii, začynić «Levym vokam» i pajści razam z skinami šukać chačej. Idejnaje vyratavańnie ja znajšoŭ u klasyka, u «Tezysach ab Fajerbachu». Marks piša, što nijakaj «čystaj dumki» nie isnuje. Prailustruju heta na prykładzie. U svoj čas na radyjo «Styl» dy-džej, adkazvajučy na pytańnie, čym levyja adroźnivajucca ad pravych, skazaŭ: «Levyja dročać levaj rukoj, a pravyja — pravaj».
Na samaj spravie, vidavočna, dročać čym zaŭhodna, tolki b atrymać svoj satysfekšn. Hetak i ŭ palitycy: levyja, pravyja sympatyi vyklikanyja apetytami ludziej, jak praviła materyjalnymi.
U adroźnieńnie ad Rasiei, dzie svaich sponsaraŭ akijan, dla našych levych (jak, darečy, i pravych) adzinym miescam razvodki źjaŭlajecca Eŭropa. Davodzicca prymać i jaje zababony kštałtu lehalizacyi marychuany abo seksualnaha paktu.
Pry ŭsim pazytyvie tut jość nehatyŭny aspekt. Sertyfikat lajalnaści eŭrapiejskim levym pahražaje farmalizacyjaj levaha ruchu. Narod naŭrad ci prasiače razhon pra pravy žyviołaŭ i znoŭ addaść hołas za baćku.
Baraćba z farmalizmam u levych pavinna stajać na druhim miescy paśla baraćby z pustaziellem stalinskaj levaj tradycyi. Tvorča adaptavać eŭrapiejskuju palitkulturu nam dapamoža fantazija ŭ vybary mastackich srodkaŭ. Dla pačatku prapanuju pravieści adziny dzień niečystaty rasy abo zamucić rolevuju hulniu «Zabojstva Kube».
Lolik Uškin
Kamientary