U VII Dniach navukovaj knihi ŭ Poznani ŭdzielničali j biełarusy. U tamtejšym kulturnym centry «Zamak» 2—4 kastryčnika svaje vydańni demanstravali 80 vydaviectvaŭ, asnoŭnaja častka jakich naležyć polskim universytetam.
Arhanizataram knižnaha kirmašu źjaŭlajecca navukovaje vydaviectva Poznańskaha ŭniversytetu imia Mickieviča.
Jość i ŭ nas u Biełarusi tradycyja zasnoŭvać vydaviectvy pry navučalnych ustanovach, ale nivodnaje ź ich nia moža pachvalicca takoj kolkaściu i jakaściu vydańniaŭ, jak u polskich kaleh.
3 kastryčnika ŭ ramkach knižnych Dzion była naładžanaja dyskusija z udziełam biełaruskich i českich kalehaŭ. Dni navukovaj knihi adbyvajucca pad patranatam rektara Poznanskaha ŭniversytetu Stanisłava Łoranca, tamu pan rektar asabista ŭdzielničaŭ u mižnarodnym «kruhłym stale». Skład biełaruskaj delehacyi ŭdała ŭzmacnili tamtejšyja studenty ź Biełarusi. Uvohule našyja ziemlaki efektyŭna intehravalisia ŭ Poznań, jany ŭtvaryli ŭ hetym horadzie Biełaruski kulturna-aśvietny centar, siabrami jakoha źjaŭlajucca navat miascovyja studenty-palaki. Kiruje centram Vital Voranaŭ.
Poŭny varyjant artykuła hladzicie ŭ haziecie "Naša Niva".
Kamientary