Bolš apakalipsysu!
Sapraŭdnyja fanaty hotyki tyrčać ad tekstaŭ biełaruskich liberałaŭ.
Litaraturny hit tydnia «Hary Poter i Orden Feniksa» — kulbit, prymityŭny zakos pad siaredniaviečnuju mistyku. Sapraŭdnyja fanaty hotyki tyrčać ad tekstaŭ biełaruskich liberałaŭ.
«Haleča, nasielnictva, jakoje śpivajecca, sotni tysiačaŭ ludziej zaŭčasna adyšli na toj śviet, tak i nie dačakaŭšysia «sumlennaj» pryvatyzacyi, biurakratyja, jak rakavaja puchlina, abłytała haspadarčy mechanizm...» Čytajučy chorar-sceny liberalnaha misijanera Leanida Złotnikava, pryhadvaješ manalohi manachaŭ z «Imia Ružy». Krezanuty Salvatore z benedyktynskaha abactva viedaŭ vyjście: «Usie pakajciesia!» Sp.Złotnikaŭ taksama zaklikaje pakajacca za hrachoŭnuju suviaź z djabłam-sacyjalizmam i spaścihnuć Lohas u tekstach śviatoha piśma fonaŭ Mizesa i Hajeka.
Tolki ŭ aŭtachtonnych liberałaŭ bačyŭ stolki spasyłak na klasykaŭ. Z hetaha hledzišča nacyjanalisty pa kanonach žanru pavinny być samymi kantužanymi. Kštałtu anabaptystaŭ, pratestanckaje sekty, siabry jakoj chadzili biez majtkoŭ. Sakralnych tekstaŭ, akramia «Kasiŭ Jaś kaniušynu», u ich niama, i vypić jany nia durni.
Biełaruskija hładstany parušyli copyright Tumaša Akvinskaha i Sihiera Brabanckaha, ściahnuŭšy ŭ ich čorna-bieły śvietapohlad, tezys ab sakralnych knihach jak krynicach iściny, anatemu na luby kantakt z čužym. Heta daźvialaje vyjavić pryčyny pravału liberalnaj prapahandy ŭ Biełarusi: słaby apakaliptyčny momant ahitak.
Voś vy kažacie: Łukašenka — dyktatar. A jak nakont taho, kab u duchu opusaŭ Banaventury prapisać: vyradak z šaściu palcami, asoba faŭnskaha pachodžańnia, syrena z łuskavatym chvastom, onakientaŭr, čyjo cieła nižej pupa aślinaha, cyklop, epihist z rotam na žyvacie i sa stupakami, paviernutymi nazad, kab niepryjacieli, jakija za im pahoniacca, zabłytalisia...
Jak kažuć amatary šyrava, heta torkaje. Spaścihnuŭšy metafizyčny žach rynkavaha sacyjalizmu, elektarat abaviazkova praćvierazieje i pakładzie bašku ŭ baraćbie za liberalnuju Šambału.
Lolik Uškin
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA2
Kamientary