Dahary nahami, albo Vysakarodny kaŭboj Džo

Niadaŭna mnie daviałosia pisać pra plakat, jaki ja bačyŭ na svaje vočy amal u samym centry Miensku. Na ahromnistym reklamnym stendzie — vielizarny medal z vyjavaju Stalina j nadpis «Za advahu». Kampazycyja pryśviečana temie 60-hodździa «vyzvaleńnia Biełarusi ad niamiecka-fašysckich zachopnikaŭ». Mnie padałosia, što plakat nia tolki ŭtrymlivaje falš (bo na medali «Za advahu» niama partretu pravadyra). Hetkaja «vonkavaja ahitacyja», na maju dumku, źnievažaje pamiać miljonaŭ achviar vajny, jakija treba adnieści na sumleńnie jak Hitlera, tak i jahonaha davajennaha chaŭruśnika — «archistrateha» Stalina.

I voś na adnym ź internet-forumaŭ vypadkova patrapiŭ na vočy vodhuk na maju publikacyju. Niejki małady čałaviek — ludzi staroha vieku naŭrad ci biaruć udzieł u «forumach» — z sarkazmam havoryć, što kali b nacyjanalisty pryjšli da ŭłady, dyk adrazu b źnieśli pomnik Pieramohi. Maŭlaŭ, ničoha śviatoha ŭ ciapierašnich «nacyjanalistaŭ» i «demakrataŭ» nie zastałosia — navat Pieramohu razam sa Stalinym hatovy pierakreślić. Mnie padałosia cikavym pasprabavać zrazumieć lohiku maładoha pakaleńnia — prynamsi, taje jaje častki, dumki jakoj vykazvaje nieviadomy mnie ŭdzielnik dyskusii.

Mnie zdajecca, što mienavita na hetaje pakaleńnie, jakoje viedaje pra vajnu chiba što ź filmaŭ kštałtu «Vyzvaleńnia» i «17 imhnieńniaŭ viasny», padśviadoma raźličvajuć ułady. Sapraŭdnych udzielnikaŭ vajny praz 10 hod amal nie zastaniecca. Zrešty, ničoha pra jaje nia viedajuć, badaj, i tyja, chto siońnia vyrašyŭ ustalavać u biełaruskaj stalicy stend z vyjavaj Stalina. Dla ich heta kštałtu «kaŭboja Malbara» z reklamy cyharetaŭ, hetki modny brend našaha času. Stalin — heta taksama svajho rodu kaŭboj, ankł Džo (jak jaho nazyvali na Zachadzie) — respektabelny dziadźka z charaktarnym tvaram: vysakarodnaja sivizna, łaskavaja ŭśmieška chavajecca ŭ pažaŭciełych ad tytuniu vusach, chitra pryžmuranyja vočy, pranikniony mudry pozirk. Adnym słovam — pravadyr. Amal što jak Sadam Chusejn. Ci ben Ładen, jaki «pakazaŭ» hetym «amerykosam».

Darečy, ja nia ŭtryruju. Adzin biełaruski anarchist apantana davodziŭ mnie, što Łukašenka — chaŭruśnik levakoŭ i ŭvohule antyhlabalisckaha ruchu, pakolki jon vystupaje suprać amerykanskaha imperyjalizmu. Treba dumać, papiarednikami ŭ hetaj baraćbie byli «tata Dok», Poł Pot, a taksama były imperatar-ludažerac Bakasa, jaki byŭ vialikim siabram Leanida Brežnieva.

Poŭny varyjant artukułu čytajcie ŭ hazecie "Naša Niva"

Vital Taras

• 0
• 0
• 0
• 0
• 0
• 0
• 0
• 0