Šoŭ-biz irviecca ŭ rajony

60—70% nakładu ajčynnych dyskaŭ razychodzicca ŭ stalicy. Realny košt bileta dla «niamienskaha» kancertu — usiaho 5000 rub. Adnak «Krambambula» pieraciače ŭ rehijony ŭžo sioleta! Rok-kancerty ajčynnych vykanaŭcaŭ źbirajuć vialikija zali, albomy «hienerałaŭ» razychodziacca tysiačami ekzemplaraŭ, bihbordy ich kancertaŭ abžyli metro. Biełaruskaja rok-muzyka kamercyjalizujecca. Tolki voś za mienskaj kalcavoj darohaj pra heta nia viedajuć. Bo isnujuć jak minimum try prablemy.

Prablema pieršaja. Sietka raspaŭsiudu

Muzyčny pradusar, kiraŭnik «BMA-group» Vital Supranovič kaža, što dyski ajčynnych vykanaŭcaŭ paprostu nie dachodziać da rehijonaŭ, bo nie adładžana sietka raspaŭsiudu. «Rehijanalnym raspaŭsiudnikam značna lahčej pradać zvyčajnuju tannuju zborku piesień Siardziučki, čym jaje ž licenzijny albom. Kali ž my razmaŭlajem pra biełaruskuju muzyku, jakaja skroź licenzijnaja, dyk dadajecca toje, što ajčynnyja vykanaŭcy naahuł značna mienš viadomyja za miežami Miensku», — ličyć Źmicier Bieskaravajny, kiraŭnik adździełu markietynhu kampanii «Vestrekardz-plus», jakaja ź niadaŭniaha času raspaŭsiudžvaje razam ź licenzijnaj rasiejskaj muzykaj i dyski ajčynnych vykanaŭcaŭ. Maŭlaŭ, nichto z raspaŭsiudnikaŭ nia choča ryzykavać i «pierapłačvać», tamu i abirajuć jany razreklamavanych rasiejskich pop-zorak u tańniejšych vydańniach.

Kali b ajčynnyja hukazapisvalnyja kampanii i dystrybjutary mieli sietku firmovych kramaŭ u rehijonach, heta dało b mahčymaść prapanoŭvać šyrejšy asartyment. I novyja albomy dachodzili b da słuchačoŭ za Mienskam nie paśla dvaccataj zamovy, a adrazu paśla relizu. «Ale ž popyt na mejnstrymavuju biełaruskuju muzyku pastupova raście», — dadaje sp.Bieskaravajny.

Pavodle acenak «Vestrekardzu», z ajčynnych vykanaŭcaŭ najbolšym pośpiecham u rehijonach karystajecca «Krambambula», paśla — «N.R.M.» dy «Nejra Dziubiel» i tolki zatym — rasiejskamoŭnaja papsa nakštałt Chlastova dy Hrybalovaj. U abłasnych centrach, jak praviła, jość 2—4 šapiki, dzie možna nabyć hetyja dy šerah inšych biełaruskich zapisaŭ. Dla abłasnoha horadu 50—70 pradadzienych dyskaŭ adnaho vykanaŭcy — heta ŭžo šalony popyt. Pavodle słoŭ kiraŭnika niezaležnaj Mahiloŭskaj infarmacyjnaj sietki Alesia Asipcova, mienavita tak razychodziacca dyski supolnych prajektaŭ i «N.R.M.» u jaho horadzie. U Połacku i Navapołacku sytuacyja značna horšaja: jak kaža arhanizatar festu «Rok-koła» Siarhiej Aniščanka, tam naahuł biełaruskaj muzyki nie znajści. Naturalna, što ŭ Miensku, dzie čatyry ajčynnyja telekanały, dvanaccać FM-ctancyj, niekalki dziasiatkaŭ hazet, sietka muzyčnych kramaŭ, «prasunuć» novy dysk praściej. Tamu 60—70% nakładu, jak praviła, razychodzicca ŭ stalicy.

Cikava, što prykładna ŭ takoj ža praporcyi razychodziacca ŭ stalicy j tyražy niezaležnych hazetaŭ.

Prablema druhaja. Vydatki

...

Poŭny varyjant artukułu čytajcie ŭ hazecie "Naša Niva"

Siarhiej Budkin

• 0
• 0
• 0
• 0
• 0
• 0
• 0
• 0