Mikoła Ptašnikaŭ: My pryniali vieru j źmianilisia
Daŭno ŭ biełaruskaj papularnaj muzycy nie było Źjavy. Usie jaje čakajuć. Pramilhvaje źnička, a potym akazvajecca, što heta niešta štučnaje («Siabry, miedavucha, kaścior») ci druhasnaje («Biaru budzilnik, kidaju ŭ chaładzilnik», — raŭli «kłony» adnoj niamieckaj hrupy). Zajaŭka na admietnaść iznoŭ padadziena — hurt «Tezaŭrus» vydaŭ pieršy dysk i rychtujecca pakazać svaju prahramu 26 traŭnia. Z hitarystam i bek-vakalistam «Tezaŭrusu» Mikołam Ptašnikavym my sustrelisia la 9-j bolnicy — jon naviedvaŭ žonku Aksanu, jakaja krychu prychvareła. Ništo ŭ Mikałaju nie vydavała jaho prynaležnaści da ciažkarokavaj kamandy — zvyčajny chłopiec z karotkaj stryžkaj, nie brydkasłović i nia palić, pramaŭlaje niahučna…
«NN»: «Tezaŭrus» ihraŭ siarod maładych kamandaŭ na feście «Hienerały ajčynnaha roku», na Vašych afišach paznačana «Samy vybuchovy debiut-2004». Miž tym, vy nie takija ŭžo i zialonyja pačatkoŭcy…
Mikoła Ptašnikaŭ: Sapraŭdy. Hrajem užo siem hod. Spačatku zvalisia «Armahiedon», ale zusim niadaŭna vyrašyli źmianić najmieńnie, bo zašmat, jak vyśvietliłasia, kamandaŭ z takoj nazvaj — u adnoj tolki Rasiei naličyŭ try.
«NN»: Niešta źmianiłasia razam z nazvaj?
M.P.: Nie, hałoŭnyja źmieny ŭ žyćci ŭdzielnikaŭ kamandy adbylisia krychu raniej. Na pačatku ŭ našaj hrupie było dva kryminalniki (rabavali kvatery, nakolki mnie viadoma) i narkaman. Sam ja kaliści cikaviŭsia čornaj mahijaj i navat dasiahnuŭ niekatorych pośpiechaŭ u hetym kirunku (naprykład, avałodaŭ unušeńniem). Žyŭ tady ŭ Babrujsku, niejak ubačyŭ abviestku, što pratestanckaja carkva šukaje hitarysta. Pastaviŭsia z uśmieškaj, ale na padśviadomym uzroŭni niešta spracavała — saśniŭ niejak žachlivy son, dzie siarod rykaŭ pačvar prabivajecca hołas, što pramaŭlaje: «Jezus Chrystus!». Tak ja pryniaŭ vieru, pačaŭ ihrać chryścijanski rok, nabraŭ u hrupu chłopcaŭ z vulicy. Ale i jany ź ciaham času źmianilisia i stalisia viernikami.
«NN»: Taki lohki šlach ad kryminalnika da viernika? Što paŭpłyvała na hetych ludziej? Kazani? Muzyka?
Poŭny varyjant artukułu čytajcie ŭ hazecie "Naša Niva"
Razmaŭlaŭ Siarhiej Budkin
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary