Sens hetaj technalohii ŭ tym, što z vysušanaj vinahradnaj makuchi robicca pry dapamozie admysłovaj chimičnaj apracoŭki parašok, z čajnaj łyžki jakoha atrymlivajecca butelka napoju, što svaim smakam identyčny naturalnamu vinu. Ale hradusu ŭ im niama, hetaksama jak i cukru. Tamu tudy ŭ peŭnaj kansystencyi dadajucca śpirt i cukar. Sabiekošt takoha surahatu fantastyčna nizki — 4 centy za litar. Nazyvajecca jon — vino aryhinalnaje.
Biełaruski rynak vina i vinnych napojaŭ adroźnivajecca ad rynkaŭ analahičnaj pradukcyi ŭ inšych krainach u pieršuju čarhu praźmiernym raźvićciom industryi pładovych mocnych napojaŭ, sumna viadomych pad nazvami «pładova-vyhadnaha vina», «čarniła», «čarła», «čarlika», «byrła» i h.d. Tady jak pieravažnaja bolšaść užyvanych vinahradnych vinaŭ pastupaje z Małdovy albo vyrablajecca biełaruskimi pradpryjemstvami z małdaŭskaj syraviny. Adnak jakaść bolšaści z hetych napojaŭ možna pastavić pad sumnieŭ: choć atrucicca i niemahčyma, ale pavodle mižnarodnych (u tym liku i tych, jakija dziejničajuć unutry Małdovy) standartaŭ ich možna nazvać kantrafaktnymi.
Treba padkreślić, što hetaja pradukcyja traplaje ŭ Biełaruś całkam lehalna. Abjomy impartu možna ŭjavić, kali daviedacca, što na Biełaruś prypadaje bolš za 7% małdaŭskaha vinarobnaha ekspartu.
Zakony ab vinahradnych vinach u Biełarusi praktyčna adsutničajuć. Nijakich narmatyvaŭ niama, tamu, niahladziačy na toje što kožnamu specyjalistu ŭ hetaj halinie viadoma, što takoje vinahradnaje vino, pavodle zakanadaŭstva vinom možna nazvać luby napoj, jaki ŭtrymlivaje peŭny hradus i vinahradnuju albo pładovuju asnovu. A ekspertyza daloka nie zaŭsiody moža vyznačyć, što znachodzicca ŭ butelcy — vino ci štučny surahat, vyrableny z chimikataŭ.
Raman Mamčyc
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary