Hetuju aršanku možna śmieła zanosić u knihu rekordaŭ Hinesa. Maładzica naradziła dy zdała dziaržavie na ŭtrymańnie ažno 15 (!) dziaciej.
Vorša — rekardsmen u Biełarusi nia tolki pa kolkaści viaźnicaŭ dy źniavolenych na dušu nasielnictva, ale j pa kolkaści ŭstanoŭ apiakunstva. Ich u horadzie čatyry: dom niemaŭlaci (dzietki da 3-ch hadoŭ), dziciačy dom (dla daškolnikaŭ) i dźvie škoły-internaty. Bolšaść vychavancaŭ usich hetych ustanoŭ — siroty pry žyvych baćkach. Jość i «padkinutyja» dziaržavie matulami-«ziaziulami». Adnu ź ich možna śmieła zanosić u knihu rekordaŭ Hinesa. Maładzica naradziła dy zdała dziaržavie na ŭtrymańnie ažno 15 (!) dziaciej. Viadoma, ad roznych tataŭ. «Ci vinavataja ja, što mianie mužčyny tak kachajuć?» — kaža maci-«hierainia». Ale ŭ najbližejšy čas Aršanski dom niemaŭlaci, jakomu, darečy, spoŭniłasia ŭžo 85 hadoŭ, budzie začynieny. Rašeńnie ab hetym pryniaŭ Viciebski abłasny centar hihijeny i epidemijalohii, bo budynak ustanovy nie adpaviadaje sučasnym patrabavańniam. Dzietak, a ich tut kala saraka, planujecca pieravieźci ŭ Viciebsk. Asobnych niechta zachoča ŭsynavić. Zbolšaha apošnim časam maleńkich harotnikaŭ biaruć na vychavańnie inšaziemcy. Praŭda, im dazvalajuć vyvozić z krainy vyklučna dziaciej z ZPR, alihafrenaŭ (ich tut chapaje, bo ŭ asnoŭnym baćkoŭskich pravoŭ pazbaŭlajuć alkaholikaŭ dy roznych sacyjalna-niebiaśpiečnych asobaŭ). Letaś, naprykład, z 12 usynoŭlenych 8 pajechali da novych baćkoŭ u ZŠA, Švecyju, Irlandyju.
Poŭny varyjant artukułu čytajcie ŭ hazecie "Naša Niva"
Jaŭhien Žarnasiek, Vorša
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary