Apošnim časam u internet-vydańniach u miežach i za miežami Biełarusi modnaj temaj zrabilisia versii nakont raspracoŭki varyjantaŭ adchileńnia prezydenta Łukašenki ad ułady. U pryvatnaści — pra niejkija zmovy ŭ kołach biełaruskaj namenklatury, u Maskvie i na Zachadzie.
U hetaj suviazi pryhadvajecca stary saviecki multfilm «Rabavańnie pa-italjansku». Tam hałoŭny hieroj chadziŭ pa horadzie, prasiŭ hrošaj u doŭh i abiacaŭ addać, kali abrabuje bank.
Padobnyja versii, dakładniej, sposab ich padačy, byli b takija ž kamičnyja, kali b havorka nie išła pra takija surjoznyja rečy. I ŭ tym liku — pra bolš čym surjoznyja vyniki (heta nie pahroza, a kanstatacyja faktu) dla tych, chto raspaŭsiudžvaje hetyja versii.
Kali, viadoma, niešta padobnaje sapraŭdy maje miesca być. Bo viadoma ž, što zmova i publičnaść — rečy niesumiaščalnyja. Uzmocniena raspaŭsiudžvanyja kancepcyi adchileńnia Łukašenki śviedčać chutčej pra aktyŭnuju rabotu pa niedapuščeńni samoj mahčymaści takoha raźvićcia padziej. A značyć, nia škodziła b praanalizavać, što na samaj spravie vyklikała ŭsplosk padobnych hipotez i analityčnych pošukaŭ.
Pieršaja i samaja šalonaja dumka — niechta vyrašyŭ papiaredzić prezydenta pra toje, što vakoł jaho viaducca padkopy. Ale, dumajecca, takija papiaredžańni lišnija, niezaležna ad taho, ci majuć jany pad saboj hrunt. Ź instynktam samazachavańnia i pačućciem niebiaśpieki ŭ našych uład usio ŭ paradku.
Druhaja dumka: usio heta — sproba padšturchnuć niekaha vielmi ŭpłyvovaha i vielmi niezdavolenaha biełaruskimi ŭładami da aktyŭnych dziejańniaŭ. Pierakanać, što treba tolki zaskočyć na padnožku ciahnika, paravaja topka jakoha ŭžo nabita pałajučymi drovami.
Poŭny varyjant artukułu čytajcie ŭ hazecie "Naša Niva"
www.naviny.by
Vital Silicki
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary