Najtańniejšy čarnamorski adpačynak — na kurortach Adeskaje vobłaści.
10 dzion sanatoryju z charčavańniem i darohaj abyducca ŭ 150 u.a. Tym, chto pažadaŭ prabavić vakacyi ŭ Krymie, daviałosia nabavić «za hory» 50—70 u.a. Biełarus z psychikaj siaredniaje tryvałaści viartajecca z poŭdnia Ŭkrainy z pačućciom palohki (u adroźnieńnie ad susiednich Polščy ci Litvy).
Mierkavać pa poŭdni pra ŭsiu Ŭkrainu — toje samaje, što pra Biełaruś pa ŭschodzie. Tym bolš ryzykoŭna heta rabić «na materyjale» publiki, što źjaždžajecca na bazy adpačynku. Jak praviła, heta navakolnaja moładź albo kabiety ź dziećmi ci biaź ich. Siamja ŭ poŭnym składzie — źjava redkaja.
U vialikaj stałoŭcy našaha pansijanatu zaŭždy verchał: kabiety, nie «filtrujučy» leksyku («idyjot» — heta jašče davoli łahodna), prymušajuć dzietak pahłynać niasmačnuju pijanierlahiernuju ježu. Biełaruskuju siamju za stałom lohka paznać pa cyvilizavanych pavodzinach. Rasiejcy, jakich u paraŭnańni z Krymam tut niašmat, biez adčuvańnia vialikadziaržaŭnaj jednaści trymajucca davoli cicha, zredku dazvalajučy sabie drobnyja ŭnutrysiamiejnyja «razborki».
Mova j kanopli
«Ta ŭsie ŭ nas havorać po-russki, no v instytucie zastavlajuť zubryť ukraińsku», — kažuć susiedki za stałom, studentki ź Mikałajeva. Na numarnych znakach mašyn turystaŭ ź Mikałajeŭskaj vobłaści (na ekskursijnych mapach «Mikołajiv» paznačajecca jak «Nikołajevo») — admoŭnaja čaścica «ni». Niejki dziadźka pa-ŭkrainsku aburajecca: zusim abrusieli. Pačuć ukrainskuju na kurorcie ciažka. Navat dy-džei adeskaha radyjo jaje nia viedajuć.
Poŭnaściu hety artykuł možna pračytać u papiarovaj i pdf-versii "Našaj Nivy"
Anatol Ivaščanka
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary