Abviaščeńnie referendumu źmianiła charaktar vybarčaj kampanii.
Demakratyčnyja kandydaty vyłučyli supolny deviz «Skažy Łukašenku NIE!». Z vybarkamaŭ dachodziać viestki, što ŭłady rychtujuć masavuju nierehistracyju kandydataŭ ad apazycyi.
Na dumku lidera AHP Anatola Labiedźki, referendum robicca pryjarytetnaj zadačaj.
Ale adździalić ad jaho vybarčuju kampaniju niemahčyma. Inicyjatyŭnyja hrupy majuć pravodzić ahitacyju «ad dźviarej da dźviarej». «Inšaha vyjścia ŭ nas niama, bo ŭ biełaruskija ŚMI nas nie puskajuć, a ŭ rasiejskich svaja palityka», — kaža A.Labiedźka. Aprača taho, padčas vybarčaj kampanii, mahčyma, projdzie čarhovy Kanhres demakratyčnych sił.
Partyja BNF taksama aryjentujecca na sustrečy z vybarcami. Patencyjnyja kandydaty ad jaje ŭžo ciapier padajuć zajaŭki i na pikiety ŭ akruhach. Namieśnik staršyni PBNF Viktar Ivaškievič ličyć, što ŭłady buduć vymušany dazvolić pikiety nia tolki ŭ «rezervacyjach». Surjozna partyja pastaviłasia da tele- i radyjovystupaŭ kandydataŭ: usie patencyjnyja pretendenty prajšli treninh u narodnaj artystki Biełarusi Zinaidy Bandarenki j režysera Valerja Mazynskaha. Aprača taho, PBNF maje vystavić na vybary dźvie tysiačy naziralnikaŭ.
Na 10 kastryčnika «piaciorka» planuje ahulnabiełaruskuju vuličnuju akcyju, na jakuju ŭžo padajucca zajaŭki. A.Labiedźka ličyć, što heta budzie «pratestavaja chvala». Druhaja vialikaja akcyja adbudziecca ŭ Miensku 18 kastryčnika — padviadzieńnie vynikaŭ.
Lider Narodnaj Hramady Mikałaj Statkievič padtrymlivaje akcyju 18 kastryčnika, ale sumniajecca ŭ efekcie akcyi 10-ha: «Kali nas budzie mała, heta budzie nahoda dla aficyjnaj prapahandy.
Poŭnaściu hety artykuł možna pračytać u papiarovaj i pdf-versii "Našaj Nivy"
Arkadź Šanski
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary