Za vosiem hadoŭ «Dažynki» naviedali ŭsie vobłaści Biełarusi, a siarod pryzoŭ hierojam žniva dastalisia aŭtamabili, matacykły, chaładzilniki i budzilniki.
Sioleta dorać DVD-prajhravalniki i kamputary.
Pieršaje śviata-kirmaš pracaŭnikoŭ siała «Dažynki» prajšło ŭ 1996 h. u Stolinie. Asabliva zapomnilisia cyrymonija ŭznaharodžvańnia «Žyhulami» pieramožcaŭ žniva i kancert. Ułasna, z hetaha plus ahramadnaha kirmašu i składałasia ŭsio śviata, kali hladzieć zboku. A paśla taho, jak u 1997 h. śviata pierajechała ŭ Masty, jano stała tradycyjnym elementam sielskaj haspadarki łukašenkaŭskaha typu. Najlepšaje ŭ ich, što kožny horad — stalicu «Dažynak» admysłova da śviata pryvodziać da ładu.
Inicyjataram pieršych «Dažynak» byli Minsielhascharč, ministerstvy finansaŭ i ekanomiki. Čyhiroŭski Kabinet Ministraŭ vydzieliŭ 1298 młn rubloŭ na nabyćcio chaładzilnikaŭ, televizaraŭ i matacykłaŭ dla pieramožcaŭ, a voś na aŭtamabili ministry prasili znajści hrošy prezydenta, jaki i staŭ sapraŭdnym tvaram śviata. Na pieršych «Dažynkach» uznaharodzili amal 220 čałaviek.
«Dažynki-98» pravodzili ŭ Niaśvižy. Tady, na Mienščynie, uznaharodzili roznaj vartaści pryzami i dyplomami 450 čałaviek. A ŭ 1999 hodzie «Dažynki» ŭ Škłovie sarvalisia praz rekordna nizki ŭradžaj (uzrovień 1965—1970 hadoŭ), chacia arhanizatary zapeŭnivali jašče za dva tydni, što śviatkavać budziem dy jašče i z rasiejskimi zorkami ŭ kancercie.
U 2000 h. «Dažynki» adbylisia ŭ Kojdanavie (jon ža Dziaržynsk). Na ŭznaharodžańnie vydzialalisia 242 dyplomy za dasiahnieńni ŭ zbožžaŭborcy, a taksama 28 — za ŭborku lnu. Na kožnuju vobłaść davałasia pa adnym aŭtamabili dla słužbovaha karystańnia i pa 1 młn 200 tys. rubloŭ (na tahačasnyja hrošy).
Poŭnaściu hety artykuł možna pračytać u papiarovaj i pdf-versii "Našaj Nivy"
ST
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary