Čarhovy numar «Spadčyny», vychad jakoj usio jašče baluča adstaje ad hrafiku, pryśviečany temie «Spažyvieckaja kultura».
Bolšaść materyjałaŭ numaru sprabujuć rekanstrujavać štodzionnuju kulturu našych prodkaŭ, amal daščentu źniščanuju dvuma stahodździami rasiejskaj i savieckaj unifikacyi.
U nas amal adsutničajuć vysokija stereatypy spažyvańnia, tradycyjnyja pradukty, jakija b kultyvavalisia i ŭdaskanalvalisia z pakaleńnia ŭ pakaleńnie, jakija b hodna reprezentavali krainu, farmavali jaje abličča. Niama bolš «smarhonskich abvarankaŭ», ureckaha dy nalibockaha škła, «litoŭskaha» syru, dzisienskaha masła, śvieržanskaha fajansu, słuckich dy haradzienskich pajasoŭ. Što, aproč dranikaŭ i mačanki, možna prapanavać u jakaści nacyjanalnych straŭ? Ci vyčerpvajecca vyrabami z sałomki mahčymaść aformić chatni interjer «u nacyjanalnym styli»?
Nizki ŭzrovień kultury ŭ Biełarusi — jak «duchoŭnaj», tak i «materyjalnaj» — vyjaŭlajecca ŭ nierazborlivaści, niepatrabavalnaści da jakaści žyćcia, kali čałavieku (spažyŭcu) usio roŭna, u jakim domie jon žyvie, jakuju kiłbasu-syr-bulbu jeść, jakoje vino-piva pje, jakija vidoviščy hladzić, dzie vučacca jahonyja dzieci i h.d. Novyja technalohii apracoŭki mazhoŭ praz mass media nie spryjajuć vychavańniu razborlivaści (vysokaj kultury) — u hetym sensie jany dziejničajuć instynktyŭna-salidarna ź idealahičnym aparatam tatalitarnaj dziaržavy — va ŭsim śviecie, nia tolki ŭ Biełarusi.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleś Bieły
«Spadčyna», №2-3 za 2003.
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary