Brak hustu j schilnaść da chałtury — zvyčajnyja rečy ŭ kulturnym žyćci ciapierašniaje biełaruskaje dziaržavy.
Možna, viadoma, pierakanać publiku ŭ tym, što pačvarny i z estetyčnaha, i z etyčnaha, i z ekalahičnaha punktaŭ hledžańnia budavany parkinh na Niamizie — heta choraša. Možna navat paŭdnia krucić pa telekanale «Ład» rasiejskuju «Kulturu», dadavać «Euronews» dy pryleplivać naftalinavaha indyjskaha kino i taksama vydavać heta za kulturnaje dasiahnieńnie. Ale kali kulturtrehiery ad łukavaha pačynajuć hulacca z nacyjanalnymi śviatyniami — balić. Balić ad taho cyvilizacyjnaha zaniapadu, jaki pačaŭsia ŭ Biełarusi dziesiacihodździe tamu.
Voś, zdajecca, dobraja była inicyjatyva vydaviectva «Biełaruskaja encyklapedyja» — šyrej paznajomić biełarusaŭ z unikalnym pomnikam našaha piśmienstva, jakomu tysiača hadoŭ, — Turaŭskim Evanhiellem. Vydali. Knihu «Turaŭ. Turaŭskaje Evanhielle». I vyjšła niazhrabnaja chałtura za hlancavym erzacam. Nu chaj by vydaŭcy i tyja, chto reklamavaŭ hetuju novuju knižku, hlanuli, što vydavałasia da ich. Dazvolu sabie pryvieści tut karocieńkuju biblijahrafiju: Turovskoje Jevanhielije odinnadcatoho vieka. — SPb., 1868 (chromalitahrafija); Turovskoje Jevanhielije odinnadcatoho vieka / red. tieksta i objaśnienija P.A.Hiltienbandta. — Vilna, 1869; Svodnyj katałoh słaviano-russkich rukopisnych knih, chraniaŝichsia v SSSR. CHI—CHIII vv. — Moskva, 1984. — S.50—52; Historyja biełaruskaha mastactva. T.1. — Miensk, 1987. — S. 90—91; Nikałajeŭ M. Pałata knihapisnaja. — Miensk, 1993; Iluminacyja Turaŭskaha Evanhiella CHI st. // Biełaruski histaryčny ahlad. 1994. T.5, sš. 1(8).
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Chareŭski
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary