Karani emacyjnaj biednaści padletkaŭ — u biaskoncych rasiejskich i amerykanskich (u rasiejskim pierakładzie) bajevikach i kamedyjach.
Z ekranu biarucca hatovyja ŭzory pavodzin.
Nieadnakroć davodziłasia čytać u aficyjnych medyjach narakańni na krymnalizavanaść niekatoraj častki biełaruskaje moładzi. Narakalniki — aŭtary šyrokaha kruhahladu i vuzkaj nacyjanalnaj śviadomaści — u razvažańniach ab pryčynach hetaha zahannaha źjavišča sučasnaści zakanamierna prypłyvajuć da prablemy ŭpłyvu na maładoje pakaleńnie pradukcyi masavaj kultury. Časta imi nazyvajucca filmy, što ciaham apošnich dziesiaci hadoŭ stvaryli ramantyzavany vobraz bandyta i bandyckaha žyćcia. Adnak, pieraličvajučy ŭsie henyja «Bumery», «Bryhady», «Bratoŭ», aficyjoznyja aŭtary zabyvajuć adnu nadta istotnuju akaličnaść — kino ž rasiejskaje!
Kryminalizacyja śviadomaści junych biełaruskich hramadzian jość adnym z vynikaŭ pavalnaj rusifikacyi infarmacyjna-kulturnaha pola ŭ našaj krainie. Adnak ža nielha kazać, što va ŭsim vinavaty tolki «klatyja maskali». Zrazumieła, što rasiejcy pravodziać aktyŭnuju infarmacyjna-kulturnuju ekspansiju ŭ byłyja savieckija respubliki. Ale siak-tak niekatoryja imknucca ad jaje adbaranicca. Biełaruś doŭhi čas i nie sprabavała hetaha rabić. Voś ciapier apamiatalisia i narakajem. Kazytlivaja sytuacyja vychodzić: niemaŭlatku zamiest małaka padsoŭvali partvejn, a ciapieraka aburajemsia, čamu dzicia stałasia alkaholikam.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Bałachonaŭ
Homiel
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary