Zavitaŭšy ŭ Ivianiec 11 vieraśnia, ja zdahadałasia pra biełaruski śled u teraktach 2001 hodu: 11 vieraśnia — dzień narodzinaŭ hałoŭnaha čyrvonaha terarysta Feliksa Dziaržynskaha.
U hety dzień u Ivianieckim muzei Dziaržynskaha pa tradycyi adznačajuć jaho dzień narodzinaŭ. Nia toje kab supracoŭniki muzeju byli amatarami teraryzmu, prosta heta historyja, jakuju «taksama treba bierahčy».
Aleh Ramanoŭski, dyrektar muzeju, kaža: «Adny im zachaplajucca, inšyja ličać jaho złodziejem, ale ŭsio heta naša historyja, jaje taksama treba źbierahać. Jak našy ludzi kažuć, chacia b asfalt dziela jaho prakłali. Adrazu paśla niezaležnaści ludzi nieachvotna cikavilisia kamunistyčnymi idałami, ale ciapier cikavaść iznoŭ viarnułasia».
Aleh Ramanoŭski najbolš uvahi ŭ ekspazycyi nadaje šlachieckamu pobytu, a taksama słavutym ivianieckim mastactvam i ramiostvam. I ciapier u centry ramiostvaŭ pry muzei tkactvu, kavalstvu, hančarnamu mastactvu navučajuć dziaciej. Narodny majstar raźbiar pa drevie Apalinaryj Pupko dasyłaŭ dopisy ŭ pieršuju «Našu Nivu» i arhanizavaŭ biełaruski teatar.
Ale kali raniej Ivianiec hanaryŭsia pierš za ŭsio svaimi mastactvami, dyk u kantekście idealohii sučasnaj biełaruskaj dziaržavy samy čas źviarnucca da brendu Dziaržynskaha. Dziŭna, čamu dahetul dziaržava nie zdahadałasia stvaryć u Iviency park nakštałt dysnejeŭskaha z atrakcyjonami kštałtu «dopyt u Feliksa», «padarožža ŭ zaścienki HPU», «u krainie vampiraŭ», «zabi siastru svaimi rukami».
Dobrym hidam pa takim parku moh by stać tryler Sieržuka Sokałava-Vojuša «Kryvavy pamoł». U knizie Feliks — kryvasmok, žyćciom jakoha kirujuć vupary, naščadki hrafa Drakuły. U siońniašnim Iviancy ŭsio, što nahadvaje pra inšaśviet, — heta draŭlanyja ŭnijackija skulptury niačyścikaŭ XVIII st., kostki katalickich śviataroŭ, raskidanyja pry pabudovie pravasłaŭnaj carkvy (prynamsi, tak kažuć mieścičy), dy padvajeńnie kandydataŭ u deputaty. Dakumenty na rehistracyju kandydatami ŭ Iviancy padali dva Duboviki. Adzin ź ich užo dva terminy adbyŭ deputatam ad Ivianieckaj akruhi.
Poŭnaściu hety artykuł možna pračytać u papiarovaj i pdf-versii "Našaj Nivy"
Vieranika Dziadok.
Redakcyja dziakuje za dapamohu ŭ padrychtoŭcy materyjału Vincesiu Sołtanu i Vincuku Viačorku
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary