U Francyi 19 z 20 futbolnych kalektyvaŭ vyšejšaj lihi (95%) majuć nazvy rodnych haradoŭ. U Biełarusi — tolki «Homiel» plus «Nioman».
Na dvare byŭ pačatak 90-ch. Viestka ab źjaŭleńni na mapie śvietu novych niezaležnych dziaržavaŭ ablacieła ŭsiu planetu. U samoj Biełarusi adbyvalisia padziei nia mienš epachalnyja. Praz 200 hadoŭ niavoli biełaruskaje čynavienstva narešcie zahavaryła rodnaj movaj. Adradžeńnie nacyjanalnych tradycyjaŭ nabyło masavy charaktar. Sferaj, što zastałasia volnaj ad uździejańnia Biełaruščyny, byŭ sport. Čamu tak adbyvałasia?
Vytoki rasiejskaści
Masavaje raźvićcio sportu ŭ Biełarusi pačałosia za savietami. Partyjnyja bonzy ad pačatku zrazumieli: ništo lepiej za sport nia zdoleje arhanizavać raschistanyja narodnyja masy.
23 červienia 1923 h. UCVK RSFSR pryniaŭ rašeńnie ab stvareńni Vyšejšaje rady fizkultury. Amal praź miesiac pry Saŭnarkamie BSSR była stvoranaja Vyšejšaja rada fizyčnaje kultury Biełarusi. Sport staŭsia adnym z pryjarytetaŭ dziaržaŭnaje palityki. Pa ŭsioj krainie fizkulturnyja hurtki pierajšli pad kantrol prafsajuzaŭ, budavalisia sportplacoŭki, ładzilisia spabornictvy roznaha kštałtu, stvaralisia adździeły Ŭsiesajuznaha fizkulturna-spartovaha tavarystva «Dynama».
Pryhadajma, što ŭsplosk spartovaha raźvićcia ŭ Biełaruskaj respublicy supaŭ z peryjadam, viadomym kožnamu školniku pad nazvaj «biełarusizacyja». Ale lahičnaha praniknieńnia nacyjanalna-kulturnych zdabytkaŭ u sport tak i nie adbyłosia. Partyjnaje kiraŭnictva bačyła ŭ sporcie vyklučna internacyjanalnuju źjavu, universalnuju pryładu prapahandy.
Nazvy — najlepšyja pakaźniki
Z 16 kamandaŭ Vyšejšaj futbolnaj lihi tolki try ŭtrymlivajuć u svaich vizytoŭkach suviaź z rodnaj hlebaj: «Nioman» (Horadnia), «Homiel» dy «Dniapro-Transmaš» (Mahiloŭ).
Poŭnaściu hety artykuł možna pračytać u papiarovaj i pdf-versii "Našaj Nivy"
Kastuś Łaškievič
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary