Zaniapad u handbole, uzdym u chakiei

Ź vieraśniem u Eŭropu prychodzić novy spartovy sezon.

Futbolnaja matuchna-Eŭropa adpačyła ad čempijanatu kantynentu dy Alimpijady i 4 vieraśnia pačała kvalifikacyjny adbor da čempijanatu śvietu-2006.

Biełarusy startavali 8 vieraśnia haściavoj ničyjoj z narvežcami. Kab trapić na mundyjal u Niamieččynu, treba jak minimum zaniać druhoje miesca ŭ svajoj hrupie. Z najmacniejšaj i najsłabiejšaj zbornymi padhrupy — Italijaj i Małdovaj — zhulajem jakraz u kastryčniku. Darečy, u kvalifikacyi da Eŭra-2004 my zaniali apošniaje miesca, prapuściŭšy napierad mienavita Małdovu. Biełaruskaja federacyja futbołu, kab zaachvocić «darosłych» hulcoŭ, paabiacała vypłacić nacyjanalnaj zbornaj pry ŭmovie vychadu na mundyjal-2006 1 młn 200 tys. dalaraŭ.

Hrošy i sport — rečy niepadzielnyja. Voś pierad hulnioj sa zbornaj Hrecyi premjer-ministar Albanii paabiacaŭ svaim futbalistam u vypadku pieramohi 500 tys. dalaraŭ. Albancy pieramahli čempijonaŭ Eŭropy — 2:1. Praŭda, pieramoha nad adviečnymi palityčnymi supiernikami była azmročana hreckimi zaŭziatarami. Jany ŭčynili ŭ rajonach, dzie pražyvaje albanskaja mienšaść, pahromy.

Kab u nas dbali jašče pra klubny futboł! Kali ŭ vyšejšaj lizie jašče niejki paradak, to ŭ pieršaj — sucelnyja prablemy. Voźmiem, naprykład, «Maładečna». Letaś klub čakana vybyŭ u pieršuju lihu. Z sychodam z horadu ŭ pačatku 90-ch Hienadzia Karpienki pačalisia permanentnyja finansavyja prablemy. Tak i ciapier. U mižsezońnie častka hulcoŭ z kamandy raźbiehłasia. Pačali źbirać niepatrebnych inšym klubam futbalistaŭ. Pieršy kruh u hetym sezonie «Maładečna» skončyła na trecim miescy. Ale pačalisia zatrymki z vypłataj zarobku: u lipieni futbalistam nie zapłacili navat za travień. Paŭtara dziasiatka hulcoŭ syšli z kamandy, i daviałosia zajaŭlać 16-hadovych junakoŭ sa spartškoły. Chatnija pajadynki kamanda pravodzić u vioscy Čyść, što za 20 km ad Maładečna, tamu pachvareć za ŭlubiony klub mohuć źjeździć samyja apantanyja. Trenirujecca kamanda ŭ vajskovaj čaści, z pačatku sezonu nie nabyła nivodnaha miača i maje tolki adzin kamplekt formy. Pra jakija tady dasiahnieńni moža iści havorka? Tut by ŭ druhuju lihu nia vylecieć. Atrymali piać zapar paražeńniaŭ z bujnym likam.

Poŭnaściu hety artykuł možna pračytać u papiarovaj i pdf-versii "Našaj Nivy"

Aleh Rajaviec

• 0
• 0
• 0
• 0
• 0
• 0
• 0
• 0