Viačasłava Bandarenku z «Alfa-radyjo» zmusili prynieści prabačeńni za patrabavańnie, kab udzielniki «Šturmu» havaryli pa-rasiejsku.
Moładzievaja inicyjatyva «Voka» padviała pieršyja pramiežkavyja vyniki dvuchtydniovaha šturmu radyjostancyj «Alfa» dy «Pilot-FM». Za dva tydni ŭdzielniki šturmu litaralna abarvali telefony hetych radyjostancyj, adnak vyniki akazalisia bolš čym ścipłyja. Na «Pilot-FM» za piać dzion pastavili tolki try (!) biełaruskija pieśni: dva razy «Absent» z «Krambambuli» dy pieśniu «Śpiavaj sa mnoj» biełaruskaha kankursanta na dziciačym Eŭrabačańni-2004 Jahora Vaŭčka. Hałoŭny vynik šturmu «Alfa-radyjo» — prabačeńnie, jakoje dy-džej hetaj radyjostancyi Viačasłaŭ Bandarenka (na zdymku) paprasiŭ va ŭdzielnikaŭ šturmu za svaje niadobryja słovy, jakija jon skazaŭ pa-za eteram 1—3 listapada. Treba adznačyć, što jon asabista źjaviŭsia 11 listapada ŭ siadzibu TBM, dzie adbyvałasia pasiadžeńnie fan-klubu biełaruskaj muzyki.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleś Trafimienka
Aktualnuju infarmacyju pra chod i vyniki šturmu znojdzieš na sajcie «Voka»: www.voka.tk
Zajava dy-džeja «Alfy»
«Šanoŭnaje spadarstva!
Ja, Viačasłaŭ Bandarenka, dy-džej «Alfa-radyjo», muzyka i piśmieńnik, žadaju publična paprasić pierad Vami prabačeńnie za svaju reakcyju na Vašy telefanavańni ŭ prahramu pa zajaŭkach 1—3 listapada 2004 h. Kali možacie, prabačcie mnie za maje niedastojnyja pavodziny i vykazvańni, jakija ja dapuściŭ u Vaš adras.
Možna było b spasłacca na mnostva pryčynaŭ, jakija zmusili mianie zrabić akurat tak, ale ž niešta nie žadajecca. Mahu tolki skazać, što z 1 listapada ja adčuvaju siabie vielmi błaha i fizyčna, i duchoŭna. Svaje pavodziny ja znachodžu niedaravalnymi, i heta asabliva sumna, kali ŭličyć toje, što ja pavažaju i padzialaju Vašyja pohlady na sučasny stan biełaruskaj muzyki i biełaruskaj movy. Ja nie biełarus, ale praktyčna ŭsie maje siabry — biełarusy. Tym horš ja siabie adčuvaju. Bo, vykazvajučysia suprać taho, kab biełaruskaja mova hučała ŭ efiry «Alfa-radyjo», ja nanios źniavahu ŭsim biełarusam.
Jašče raz prašu, znajomyja i nieznajomyja, usie, chto telefanavaŭ mnie i ŭsie, chto nie telefanavaŭ — PRABAČCIE MNIE i, kali možna, nie vykreślivajcie mianie z svajho žyćcia.
Viačasłaŭ Bandarenka,
7 listapada 2004 h., 16.24, Miensk»
Kamientary