25 listapada zdymačnuju hrupu francuskaha telekanału «ARTE» biez tłumačeńniaŭ nie prapuścili na terytoryju Biełarusi ŭ Bieraści, nie zvažajučy na akredytacyju ad biełaruskaha MZS. 30 listapada sud pastanaviŭ adnavić na Mahiloŭskim metalurhičnym zavodzie siabroŭ prafsajuzu REPAM Uładzimiera Białosava j Alaksandra Ŭsieviča, niezakonna zvolnienych u vieraśni 2004 h. Sud Kastryčnickaha rajonu Miensku 30 listapada admoviŭ Biełaruskamu kanhresu demakratyčnych prafsajuzaŭ u adnaŭleńni na pracy avijadyspetčara RUP «Biełaeranavihacyja» Aleha Dołbika, zvolnienaha 1 kastryčnika. Staršynia «Haradzienskaha vybaru» Źmicier Ivanoŭski 1 śniežnia asudžany na 15 sutak za zaklik da ŭdziełu ŭ niesankcyjanavanym mitynhu pradprymalnikaŭ. Unačy z 30 listapada na 1 śniežnia nieviadomyja sprabavali prabracca ŭ ofis AHP, 2 i 6 śniežnia byŭ uzłamany internet-sajt partyi. 1 śniežnia lider AHP Anatol Labiedźka atrymaŭ dva pazovy ŭ prakuraturu: jaho mielisia dapytać nakont publikacyi ŭ polskaj «Gazecie Wyborczej» i pieradvybarnaj pres-kanferencyi ŭ ofisie partyi, dzie havaryłasia pra falsyfikacyi. Pinskaja rehijanalnaja drukarnia 1 śniežnia admoviłasia drukavać niedziaržaŭnuju hazetu «Miascovy čas», spasyłajučysia na pierahružanaść, pinskaje adździaleńnie «Biełsajuzdruku» admaŭlajecca brać hazetu na realizacyju. Pratestanckaj carkvie «Słova praŭdy» (Kojdanava) 1 śniežnia admovili ŭ pierarehistracyi, pastar carkvy Mikałaj Kozieł źviazvaje admovu sa svaim rašeńniem balatavacca ŭ deputaty na minułych vybarach. Karespandentka «Narodnaj voli» pa Homielskaj vobłaści Iryna Makavieckaja 2 śniežnia była zatrymana ŭ zali suda za «niepavahu da suda», kali admoviłasia vykanać niezakonnaje, na jaje dumku, patrabavańnie sudździ pakinuć sudovaje pasiadžeńnie. 3 śniežnia lideru PKB Siarhieju Kalakinu za publikacyju ŭ «Gazecie Wyborczej» prakuratura vyniesła aficyjnaje papiaredžańnie. Padčas vyviešvańnia plakata «Siońnia Ŭkraina, zaŭtra my!» 6 śniežnia ŭ Miensku zatrymany niepaŭnaletni aktyvist «Zubra» Alaksandar Maršeŭski. Naziralnik ad BCHK na minułach vybarach Uładzimier Amosaŭ (Połacak) 6 śniežnia aštrafavany na dźvie bazavyja vieličyni za «paklop na słužbovuju asobu»: padčas papiaredniaha hałasavańnia 13 kastryčnika jon patelefanavaŭ u milicyju j paviedamiŭ, što staršynia kamisii ŭ asobnym pakoi ŭžyvaje ź siabrami śpirtnyja napoi. Aficyjnaja medekspertyza alkaholu ŭ kryvi nie znajšła. Žurnalistku Irynu Chalip vyklikali ŭ prakuraturu 7 śniežnia.
Poŭny varyjant artukułu čytajcie ŭ hazecie "Naša Niva"
AŠ
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary