Kinafarmat «4ch4»

Usama (Osama)

Aŭhanistan—Niderlandy—Japonija—Irlandyja—Iran, kalarovy, 83 chv.

Žanr: drama

Pad uładaj talibaŭ udovam pahražaje hałodnaja śmierć: pavodle kanonaŭ žančynam nielha vychodzić na vulicu biez supravadžeńnia mužoŭ. Kab zdabyć choć niejkija srodki na pražyćcio, maci pieraapranaje dačku ŭ chłopčyka Ŭsamu. Ale padman nielha doŭha chavać…

«Usama» — pieršaja karcina, źniataja ŭ Aŭhanistanie paśla padzieńnia režymu fundamentalistaŭ, jakija razrabavali kinateatry j kinastudyju, źniščyŭšy plonki j kinakamery.

Režyseru Sydniku Barmaku, vypuskniku VHIKu, dapamhaŭ iraniec Machsen Machmalbaf, jaki ŭžo źviartaŭsia da temy Aŭhanistanu ŭ svajoj karcinie «Kandahar».

Barmak šukaŭ aktoraŭ u lahierach uciekačoŭ, a hałoŭnuju aktrysu znajšoŭ siarod žabrakoŭ.

Pryzy Kanaŭ, premija «Załaty hlobus».

Teatar (Being Julia)

ZŠA—Kanada—Vuhorščyna—Vialikabrytanija, kalarovy, 2004, 105 chv.

Žanr: meladrama pavodle ramanu Samerseta Moema

Zorka Londanskaha teatru Džulija Łambert znachodzicca ŭ roskvicie słavy. Kab pazbycca chandry j staraści, jana kidajecca ŭ raman z maładym prajdziśvietam Tomam (Šon Evans), ale jon addaje pieravahu lehkadumnaj starletcy. Pomsta zorki budzie bliskučaj i teatralnaj.

Režyser karciny — vuhorski klasyk Ištvan Saba («Mefistofel», «Pałkoŭnik Redl»). Rolu Džulii Łambert vykonvaje Anet Beninh, što stała znakamitaj paśla «Pryhažości pa-amerykansku».

Siarod inšych vykanaŭcaŭ — Džeremi Ajranz («Łalita», «Zaručanyja naśmierć»), Miryjam Marholis («Madyljani», «Hary Poter i patajemny pakoj»).

Mašynist (El Maquinista)

Hišpanija, 2004, kalarovy, 102 chv.

Žanr: tryler

Trevar Reźnik (Kryścijan Bejł) nia śpić užo hod i pieraŭtvaryŭsia ŭ žyvy škilet. Jamu ŭsio ciažej adroźnivać žyćcio ad tryźnieńniaŭ. Ale chto, nasamreč, jon taki?

Amerykaniec Bred Andersan, jaki na svoj prajekt znajšoŭ hrošy ŭ Hišpanii, naŭmysna zdymaŭ Barselonu jak Łos-Andželes. «U vyniku atrymaŭsia niejki dziŭny paralelny śviet», — kaža režyser.

Kryścijanu Bejłu, jaki syhraŭ «Amerykanskaha psychapata», nie pryzvyčajvacca da dziŭnych rečaisnaściaŭ i patalohij, ale dla hetaj karciny jon schudnieŭ bolej čym na tryccać kilahramaŭ.

Amerykanskija krytyki nazvali «Mašynista» adnym ź lepšych filmaŭ 2004 hodu.

• 0
• 0
• 0
• 0
• 0
• 0