СК
Дзеці 9-11 гадоў гулялі ў двары шматкватэрнага дома на вуліцы Цітова. У гэты час да іх падышоў мужчына і пачаў нецэнзурна лаяцца. Калі яны сталі разбягацца, мужчына спрабаваў іх дагнаць, паведамляе СК.
Дзеці прыбеглі дадому і распавялі бацькам. Той мужчына ўжо падышоў да іншай кампаніі дзяцей ва ўзросце 13-15 гадоў і пачаў ім пагражаць нажом. Падлеткам удалося ўцячы ад агрэсара.
Вядома, што мужчына таксама пагражаў гвалтам і двум паўналетнім хлопцам.
У выніку ў міліцыю паступіла адразу тры званкі ад пацярпелых і сведак. На месца здарэння выехала міліцыя і затрымала хулігана.
Аггляд паказаў 3,36 праміле.
Раней мужчына прыцягваўся да крымінальнай адказнасці за разбой, незаконныя дзеянні ў дачыненні да агнястрэльнай зброі і замах на забойства.
