spring96.org
Суддзя Яўген Брэган вынес наступныя прысуды:
- 34-гадовы Андрэй Аніскевіч — 1,5 года «хіміі»;
- 45-гадовая Алена Лойка і 28-гадовая Галіна Чугунова — 1,5 года «хатняй хіміі»;
- палітзняволеныя 23-гадовы Радзівон Медушэўскі і 19-гадовы Ігар Вінакураў — 1,5 года «хатняй хімі». Іх вызвалі з-пад варты ў залі суда;
- 40-гадовы Андрэй Нямірскі, 23-гадовы Дзмітрый Курганоў, 39-гадовая Кацярына Смірнова, 20-гадовы Мікіта Увараў, 28-гадовая Сафія Нішт, Сяргей Ксянжук — 1,5 года «хатняй хіміі»;
- 25-гадовы Ілля Палхоўскі — 2 гады «хіміі»;
- палітзняволены 27-гадовы Аляксандр Храпко — 1 год калоніі ва ўмовах строгага рэжыму.
Менавіта такое пакаранне запрашвалі пракуроры для абвінавачаных на судзе. Палітзняволеныя 23-гадовы Радзівон Медушэўскі і 19-гадовы Ігар Вінакураў былі вызваленыя з-пад варты ў залі суда. У СІЗА-7 іх утрымлівалі з 16 сакавіка. У Брэсце чакаюцца прысуды па гэтай справе яшчэ ў адносінах да 12 чалавек.
Паводле версіі абвінавачвання, кожны з абвінавачаных у групе з іншымі асобамі наўмысна ўзяў актыўны ўдзел у групавых дзеяннях, якія груба парушаюць грамадскі парадак (ч. 1 арт. 342 КК). Іх дзеянні былі спалучаныя з відавочным непадпарадкаваннем законным патрабаванням прадстаўнікоў улады, пацягнулі парушэнне працы транспарту, прадпрыемстваў і арганізацый. У прыватнасці, з-за прастою тралейбуснаму парку быў нанесены ўрон 619 рублёў 55 капеек, аўтобуснаму — 40 рублёў 37 капеек. Акрамя таго, на розны час прыйшлося зачыніцца тром ларкам і рэстарану KFC. Пацярпелым бокам у справе выступае «Тралейбусны парк» і «Брэсцкі Аўтобусны парк».
