Паводле пракуратуры, кампанія падала непраўдзівыя звесткі аб падатках, у бюджэт не паступіла каля 38 тысяч рублёў. Справу завялі за махлярства.
Нагадаем, пытанні да PandaDoc узніклі пасля таго, як заснавальнік кампаніі Мікіта Мікада абвясціў, што гатовы дапамагаць з навучаннем і працаўладкаваннем сілавікам, якія адмовяцца выконваць злачынныя загады і пяройдуць на бок народа. Лукашэнка публічна крытыкаваў Мікада, заяўляў, што ў ЗША, дзе той жыве, за такое яго б даўно арыштавалі.
Па падобнай схеме — сплата ўрону і 100% ад гэтай сумы ў якасці кампенсацыі — выйшлі і фігуранты справы «Прэс-Клуба». Праўда, ім па патрабаванні следства яшчэ давялося напісаць прашэнне аб памілаванні на імя Лукашэнкі. Ці патрабавалі таго ж ад айцішнікаў, Генпракуратура не паведамляе.