За пільнасць Мікалай атрымаў пісьмо з падзякай і грошы.
26-гадовы юрыст Мікалай стаў сведкам, як уначы незнаёмец зняў фары з «Сітраена». Мікалай заўважыў, як кіроўца ў чорнай вопратцы сеў на «БМВ» і з’ехаў.
Мікалай запомніў нумар «БМВ» і выклікаў міліцыю.
Падазронага мужчыну знайшлі. Ён спачатку адмаўляў сваё дачыненне да крадзяжу. Але пры вобшуку ў ягоным гаражы знайшлі фары не толькі ад таго «Сітраена».
Аказалася,
мужчына працаваў на адной са сталічных СТА і ведаў, як на «Сітраенах» заднія фары можна лёгка і хутка зняць.
Ад тэорыі і перайшоў да практыкі. Крадзенае прадавалася праз рынкі і інтэрнэт-абвесткі.
У гаражы механіка знайшлі таксама наркотыкі: 1,5 кг марыхуаны і дзевяць бутэлек экстракцыйнага опію.
Ён сам варыў наркотык у гаражы, сам і спажываў.
Як паведамляе прэс-служба ГУУС, Мікалай за пільнасць атрымаў ад міліцыі пісьмо з падзякай і грашовую прэмію.
0
0
0
0
0
0
