Бабуля атрымала палкай па галаве за тое, што адмовілася даць грошы на апахмел 4
Выпадак адбыўся ў вёсцы Раманаўка Ваўкавыскага раёна Гродзенскай вобласці.
Вядома, што 28-гадовая жанчына рэгулярна ўжывае спіртное, але да гэтага моманту нікому асаблівых праблем не дастаўляла. У той дзень яна, захацеўшы апахмяліцца — бо прапіла ўсё, што можна — адправілася па грошы да суседкі.
На яе просьбы бабулька адказала, што грошай няма.
Тады маладзіца стукнула ёй палкай па галаве, з-за чаго пацярпелая пры падзенні ўдарылася галавой аб печку.
Праз пару дзён жанчыне ад атрыманых траўмаў стала зусім кепска, і пляменнік выклікаў хуткую дапамогу.
Па заключэнні судова-медыцынскай экспертызы пацярпелай былі прычыненыя цяжкія цялесныя пашкоджанні. Дактары правялі аперацыю, чым выратавалі бабулі жыццё.
