Турэцкі спецназ, прарваўшыся раніцай у аўторак праз барыкады на плошчы Таксім у цэнтры Стамбула, ужыў супраць дэманстрантаў слезацечны газ і вадамёты.
Многія пратэстоўцы адступілі з плошчы ў парк Гезі, дзе ў іх разбіты намётавы лагер. Па некаторых звестках, паліцэйскія некалькі разоў стрэлілі ў пратэстоўцаў гумовымі кулямі. У адказ некаторыя дэманстранты паспрабавалі закідаць паліцэйскія вадамёты фаерамі, бутэлькамі з запальнай сумессю і камянямі.
Парк Гезі і планы па яго рэканструкцыі першапачаткова былі прычынай пратэсту, а затым пераліліся ў выказванне незадаволенасці урадам Рэджэпа Таіпа Эрдагана ў цэлым.
У аўторак Эрдаган павінен сустрэцца з лідарамі некаторых груп актывістаў. Прадстаўнік прэм’ера заявіў, што Эрдаган «выслухае тое, што яны думаюць», але не плануе дазваляць працягваць пратэсты.
Раней турэцкі прэм’ер назваў пратэстоўцаў «марадзёрамі».
0
0
0
0
0
0
