Адпаведныя дакументы былі падпісаныя ў сераду ў Бішкеку ў рамках турнэ па краінах Цэнтральнай Азіі старшыні КНР Сі Цзіньпіна.
Кыргызстан — адна з самых бедных краін у СНД — багаты на водныя рэсурсы, золата, рэдказямельныя металы, вугаль і запасы жалеза, мяжуе з Кітаем і злучаны з ім горнай аўтадарогай з выхадам на Таджыкістан, Казахстан, Узбекістан і Таджыкістан і далей у Расію. За панаванне ў гэтай горнай цэнтральнаазіяцкай краіне з насельніцтвам 5,5 млн чалавек канкуруюць Расія і ЗША, якія маюць пад Бішкекам па вайсковай авіябазе, а таксама Кітай.
У рамках падпісаных у сераду пагадненняў Кітай цалкам прафінансуе будаўніцтва
На альтэрнатыўную дарогу, якая злучае поўнач і поўдзень Кыргызстана, Кітай выдзеліў крэдыт у $400 мільёнаў, на рэканструкцыю Бішкекскай ЦЭЦ прадугледжаны крэдыт у $386 млн.
Пры гэтым аб’ём кітайскіх непасрэдных інвестыцый складзе каля $1 мільярда, сказаў міністр эканомікі Кыргызстана Тэмір Сарыеў пасля перамоваў.
Міністр дадаў, што ў перспектыве Кітай «абавязкова возьме ўдзел» у рэканструкцыі сталічнага аэрапорта Манас, у перафарматаванні ў магутны грамадзянскі хаб той часткі, дзе цяпер размешчаная авіябаза ЗША, якая павінная быць выведзеная з Кыргызстана ў ліпені 2014 года.
Паводле яго словаў, «Сі Цзіньпін ужо даў сваім структурам даручэнне прапрацаваць гэтае пытанне».
Акрамя таго, Кітай выступіў з ініцыятывай стварэння свабоднай эканамічнай зоны ў рамках прасторы Вялікага шаўковага шляху.
«Эканамічная паласа старажытнага Вялікага шаўковага шляху абавязкова будзе створаная», — сказаў Сі журналістам і членам дэлегацый Кітая і Кыргызстана пасля падпісання дакументаў.
Паводле словаў Сарыева, «гэта будзе новая гандлёвая паласа» з ільготным перамяшчэннем аўтамабіляў.
