У Міністэрстве сувязі і інфарматызацыі Беларусі разлічваюць да 1 верасня падключыць да Інтэрнэту ўсе школы, паведаміў сёння на сумеснай канферэнцыі Беларусь — Рэспубліка Карэя — Сусветны банк «Разам да інфармацыйнага грамадства» намеснік дырэктара дэпартамента інфарматызацыі Мінсувязі Міхаіл Чашчын.
У Беларусі 95 працэнтаў школ маюць доступ да Інтэрнэту, у тым ліку 80 працэнтаў — да шырокапалоснага. «Чакаем, што да 1 верасня ўсе школы будуць падключаны», — сказаў Міхаіл Чашчын.
У цэлым колькасць абанентаў стацыянарнага шырокапалоснага доступу ў Інтэрнэт у Беларусі ўшчыльную наблізілася да 3 млн чалавек.
Міхаіл Чашчын прадставіў удзельнікам канферэнцыі папярэднія вынікі сярэднетэрміновай праграмы па інфарматызацыі Беларусі, якія датычацца ў тым ліку стварэння электроннага ўрада.
«Выкананы мерапрыемствы па распрацоўцы і мадэрнізацыі шэрага дзяржаўных інфармацыйных сістэм, рэсурсаў. Можна канстатаваць, што базавыя кампаненты электроннага ўрада, неабходныя для забеспячэння ўзаемадзеяння, інтэграцыі рэсурсаў у краіне, практычна створаны», — адзначыў ён.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)