На базе Мінскага трактарнага завода (МТЗ) ствараецца холдынг. Гэта прадугледжана пастановай Савета міністраў № 526 ад 30 мая, апублікаванай на Нацыянальным прававым інтэрнэт-партале.
Акрамя галаўнога прадпрыемства — МТЗ — у холдынг увойдзе яшчэ дзевяць вытворцаў сельгастэхнікі: Бабруйскі завод трактарных дэталей і агрэгатаў, Віцебскі завод трактарных запасных частак, Лепельскі рамонтна-механічны завод, Лепельскі электрамеханічны завод, Мінскі завод спецыяльнага інструменту і тэхналагічнай аснасткі, Мінскі завод шасцерняў, Мазырскі машынабудаўнічы завод, Нараўлянскі завод гідраапаратуры, Хойніцкі завод гідраапаратуры.
Міністэрству прамысловасці і Дзяржаўнаму камітэту па маёмасці даручана правесці дадатковы выпуск акцый на суму павелічэння статутнага фонду ААТ «Мінскі трактарны завод» за кошт акцый прадпрыемстваў, што ўключаюцца ў холдынг.