Наконт «Danke, Frau Ribbentrop!» у дачыненні да Меркель.
Я, канечне, разумею, што гэта Меркель выбрала зэка ў прэзідэнты Украіны.
Меркель развальвала цягам 20 гадоў украінскае войска.
Меркель прымушала вайскоўцаў здраджваць прысязе і пераходзіць на бок акупантаў.
Меркель аддала рускім Крым.
Меркель толькі што выпусціла з акружэння тэрарыстаў на чале са Стралковым і дазволіла 2-кіламетровай калоне даехаць да мільённага горада і там акапацца.
Толькі што тыя, хто ярасна піша «Danke, Frau Ribbentrop!» называлі Парашэнку здраднікам. Але за базар жа адказваць не трэба. Таму Парашэнка — хер з ім. Новы аб'ект для нянавісці — канцлерка той краіны, якая толькі што выдала табе крэдыт.
Нядаўна, дарэчы, фашысткай называлі Меркель грэкі, якія праелі 80 ярдаў еўра за 2 гады і прасілі яшчэ. Яшчэ не далі, і Меркель стала фрау Рыбентропам для гордых, блін, элінаў.
Карацей, я вось што хацеў бы сказаць. Не так страшны Пуцін. Не так страшны любы вораг, як папуляцыя змагароў, якая ные, заламвае рукі, вінаваціць любога моцнага чалавека у сваёй слабасці. Гэта цыроз. Гэта гангрэна. Гэта, канечне, поўны і, баюся, беспаваротны капец.
