Аляксандр Лукашэнка 13 лістапада падпісаў указ № 526 «Аб унясенні змяненняў і дапаўненняў у палажэнне аб рэспубліканскай дошцы Гонару».
Як паведамляе прэс-служба кіраўніка дзяржавы, дакумент распрацаваны ў мэтах удасканалення механізма ацэнкі вынікаў дзейнасці рэгіёнаў і арганізацый. Прадугледжваецца, што пры вылучэнні адміністрацыйна-тэрытарыяльных адзінак і арганізацый для вызначэння пераможцаў паводле вынікаў працы за справаздачны год сярод абласцей, Мінска, раёнаў, гарадоў і раёнаў у гарадах, а таксама арганізацый прамысловасці прымяняюцца паказчыкі, пералікі і парадак разліку якіх зацвярджаюцца Мінэканомікі.
Кандыдатуры вылучаюцца з улікам сістэмнай працы па павышэнні эканамічнай эфектыўнасці дзейнасці арганізацый і падрыхтоўцы кадраў кіравання; ацэнка працы арганізацый ажыццяўляецца ў цэлым па юрыдычнай асобе; пры вылучэнні кандыдатур для вызначэння пераможцаў за дасягненні найлепшых паказчыкаў па эканоміі рэсурсаў асноўным крытэрыем ацэнкі з'яўляецца выкананне заданняў па эканоміі паліўна-энергетычных рэсурсаў і зніжэнні затрат на вытворчасць прадукцыі пры зніжэнні ўзроўню матэрыялаёмістасці прадукцыі.
Указам удасканалены пералік абавязковых умоў для занясення на рэспубліканскую дошку Гонару. У прыватнасці ўстанаўліваецца, што абавязковай умовай з'яўляецца адсутнасць карупцыйных злачынстваў, учыненых службовымі асобамі за справаздачны год.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)