Запазычанасць па крэдытах, выдадзеных банкамі фізічным асобам, на 1 лютага склала Br63 трлн.
Такія даныя прыведзеныя ў рэгіянальным выпуску бюлетэня банкаўскай статыстыкі Нацыянальнага банка.
Запазычанасць па крэдытах павялічылася па ўсіх абласцях, акрамя Мінскай, Магілёўскай абласцей і Мінска, дзе зафіксавана зніжэнне ад 0,5% да 0,7%.
Што тычыцца юрыдычных асобаў, то іх доўг па банкаўскіх крэдытах у студзені вырас на Br39,5 трлн, або на 15,7%.
У цэлым запазычанасць па крэдытах беларускіх банкаў за студзень вырасла на 12,6% і на 1 лютага склала Br353,5 трлн. Павелічэнне зафіксавана ва ўсіх абласцях і ў Мінску ў межах ад 7,2% да 16,4%.
Запазычанасць па крэдытах, выдадзеных на будаўніцтва (рэканструкцыю) і набыццё жылля, за студзень павялічылася на Br600 млрд, або на 1,2% і на 1 лютага склала Br52,6 трлн. Рост назіраўся ва ўсіх абласцях і Мінску — ад 0,4% да 2%.
Пры гэтым у агульным аб'ёме запазычанасці па крэдытах доля праблемнай ў студзені павялічылася на 0,26% і на 1 лютага 2015 года склала 1,73%.
«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9
Каментары