Фота: visionbeyond2020.com
Група навукоўцаў правяла шматгадовае даследаванне зроку 4512 амерыканскіх дзяцей любога полу і нацыянальнасці. Вынікі даследавання прадстаўленыя ў часопісе JAMA Ophthalmology.
Частае чытанне ці сядзенне перад экранам мінімальна ўплывае на блізарукасць у школьнікаў. Значна больш уплывае наяўнасць блізарукасці ў абодвух бацькоў альбо рэфракцыйная анамалія і яшчэ 11 фактараў, не звязаных з кнігамі і маніторамі.
Тым не меней, празмерна доўгае сядзенне за камп’ютарам ці тэлевізарам, як і чытанне ў няправільных умовах, навукоўцы бяспечным не прызнавалі.
У дзяцей са здаровым зрокам вочны яблык перастае расці ў пэўным узросце. У некаторых дзяцей з’яўляецца рэфракцыйная анамалія — вочны яблык выцягваецца і прымае форму вінаградзіны. Гэткую анамалію лёгка прадказаць па тым, што ў 6-7 год у дзіцяці назіраецца наадварот лёгкая дальназоркасць.
