Піянеры готык-метала Lacrimosa ў межах еўрапейскага туру «Unterwelt-Tour» наведаюць мінскі Re:Public у пятніцу, 13 лістапада.
Мінскі канцэрт стане першым у туры, прысвечаным 25-годдзю гурту. Разам са старымі хітамі гурт прадставіць новы альбом. Квіткі на танцпляц ад 450 тысяч, месца за столікам — 650 тысяч.
Квіткі ўжо з’явіліся ў продажы ў інтэрнэце і афлайн-касах.
Гурт ужо выступаў у Мінску 6 год таму. Тады выступ праходзіў у канцэртным зале «Мінск»
***
Lacrimosa — дуэт, што складаецца з немца Ціла Вольфа і фінкі Анэ Нурмі. Lacrimosa пачалася ў 1990 годзе як сольны праект першага, першыя альбомы выйшлі ў стылі дарквэйв. У сярэдзіне 90-х да праекту далучылася Нурмі, напрамак змяніўся на готык-рок і готык-метал. Выдалі 11 альбомаў, прададзеных накладам у больш за мільён асобнікаў. Маюць папулярнасцб у Еўропе, а таксама Мексіцы і Кітаі.