Генеральны дырэктар тэлеканала НТВ Уладзімір Кулісцікаў пакіне сваю пасаду, сцвярджаюць крыніцы расійскіх СМІ.
Пра сыход Кулісцікава з пасады кіраўніка тэлеканала адначасова паведамілі «Коммерсант» і «Ведомости». Абодва выданні спасылаюцца на некалькі ананімных крыніц на буйных тэлеканалах і ў холдынгу «Газпром-медыя», у склад якога ўваходзіць НТВ.
Магчымымі прычынамі адстаўкі Кулісцікава суразмоўцы газет называюць фінансавыя праблемы тэлеканала. У апошнія гады канал губляе аўдыторыю, а рэкламадаўцы — цікавасць да НТВ. У прыватнасці, за першы квартал гэтага года канал прадаў на 30% менш рэкламы, чым годам раней.
У прэс-службе тэлеканала інфармацыю аб сыходзе Кулісцікава пракаментаваць адмовіліся.
0
0
0
0
0
0
