Паліцыя бельгійскага горада Мехелен ведала аб імаверным месцазнаходжанні тэрарыста Салаха Абдэслама на працягу трох месяцаў, аднак так і не перадала гэтую інфармацыю ў Брусель.
Пра гэта заявіў кіраўнік мясцовай паліцыі Іў Богертс, перадае The Politico.
«На жаль, у маёй камандзе дапусцілі памылку… Калега.. забыўся перадаць інфармацыю пра дасье», — распавёў паліцэйскі.
Пры гэтым ён запэўніў, што ніякага наўмыснага ўтойвання інфармацыі не было.
26-гадовы Абдэслам лічыцца адным з двух жывых удзельнікаў нападаў у Парыжы 13 лістапада, якія забралі жыцці 130 чалавек.
Адказнасць за гэтыя тэракты ўзяла на сябе групоўка «Ісламская дзяржава».
Абдэслама затрымалі 18 сакавіка ў ходзе спецаперацыі ў Бруселі.
0
0
0
0
0
0
