фота са старонкі Мемарыялу
Невядомы абліў зялёнкай расійскую пісьменніцу Людмілу Уліцкую на цырымоніі ўзнагароджання пераможцаў Усерасійскага конкурсу гістарычных даследчых работ старшакласнікаў «Чалавек у гісторыі. Расія — ХХ стагоддзе» ў маскоўскім Доме кіно. Пра гэта распавяла куратар праграм цэнтра «Мемарыял» Аляксандра Паліванава.
Паводле яе слоў, каля 20 чалавек у савецкай вайсковай форме і з георгіеўскімі стужкамі прыйшлі да Дома кіно, калі пачалася цырымонія, і пачалі крычаць яе гасцям «Фашысты!» і «Нацыянал-здраднікі!»
Уліцкай, якая ўзначальвае журы конкурсу, пырснулі ў твар зялёнкай, яшчэ аднаму ўдзельніку мерапрыемства — нашатырным спіртам. Таксама тых, хто прыйшоў на цырымонію, закідалі сырымі яйкамі.
Ці з'яўляюцца нападнікі прадстаўнікамі якога-небудзь грамадскага руху, Паліванава не ведае. Між тым фота з месца нападу апублікавала ў сваім твітары актывістка «Нацыянальна-вызвольнага руху» Марыя Катасонава.
***
Затым быў здзейснены напад у Маскве на заснавальніка Фонду барацьбы з карупцыяй (ФБК) Аляксея Навальнага.
Па словах палітыка, адзін з нападнікаў плюхнуў у яго «нейкі едкай сіняй хімічнай вадкасцю». Навальны «крыху пабегаў за ім па стаянцы», а потым «паехаў дадому пераапранацца». «Кашулю прыйшлося выкінуць», — распавёў ён.
Адказнасць за напад узяў на сябе рух SERB. У каментары парталу Life удзельнікі арганізацыі распавялі, што паспрабавалі кінуць у апазіцыянера торт, а калі не атрымалася, аблілі яго вадкасцю з рэзкім пахам.
Навальны звязаў напад з інцыдэнтам ля Дома кіно, дзе і быў напад на Людмілу Уліцкую.