У Карагандзінскай вобласці Казахстана затрымалі шасцярых чалавек па падазрэнні ў падрыхтоўцы тэрактаў. Паводле звестак крыніцы ria.ru, блізкага да сілавых структураў Казахстана, затрыманыя планавалі напад на расійскую вайсковую частку, пасля чаго збіраліся збегчы ў Сірыю.
Усе затрыманыя — мясцовыя жыхары. Афіцыйнага пацверджання звестках аб падрыхтоўцы нападу на расійскіх вайскоўцаў няма.
***
У Карагандзінскай вобласці размешчаны радыётэхнічны вузел, які ўваходзіць у расійскую сістэму прадухілення ракетнага нападу. Таксама Расія арандуе ў Казахстана палігон Сары-Шагал, які выкарыстоўваецца для ракетных выпрабаванняў.
Пра тое, што ў Карагандзінскай вобласці затрымана група меркаваных тэрарыстаў, стала вядома 26 чэрвеня. Адзін з удзельнікаў групы пры затрыманні падарваў сябе.
