У Маладзечанскім раёне аўтамабіль насмерць збіў жанчыну, што сядзела на краі дарогі 1

Смяротны наезд адбыўся 23 кастрычніка, каля 18.10, у вёсцы Крыніца Маладзечанскага раёна.

«37-гадовы кіроўца «Фіят Скуда» ехаў па трасе Мінск — Маладзечна — Нарач і на 67 кіламетры дарогі здзейсніў наезд на 38-гадовую мясцовую жыхарку, якая сядзела на краі праезнай часткі», — сказалі ў ДАІ.

У выніку ДТЗ жанчына ад атрыманых цялесных пашкоджанняў памерла ў машыне хуткай дапамогі пры дастаўцы ў бальніцу.

Па факце наезду праводзіцца праверка. Вядома, што жанчына не была пазначаная святлоадбіўнымі элементамі.

Tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ