Сёння раніцай на тэрыторыі АЗС «Беларуснафта» ў Мінску здарыўся пажар. Загарэўся аўтамабіль Audi, які стаяў у чарзе на запраўку. Адразу ж тушыць машыну кінуліся супрацоўнікі станцыі. Выкарыстоўвалі чатыры вялікія вогнетушыцелі, якія выкарыстоўваюцца на АЗС, і машыну патушылі.
Гэта здарылася прыкладна ў 10:32. На тэрыторыю аўтазаправачнай станцыі (праспект Незалежнасці, 156), у раёне перасячэння праспекта і МКАД, заехаў аўтамабіль Audi. Кіроўца збіраўся заправіцца, спыніўся следам за адным аўто, чакаў сваёй чаргі. Раптам, машына загарэлася.
Паводле папярэдняй інфармацыі, пажар узнік з-за няспраўнасці паліўнай сістэмы аўто. Да тушэння адразу ж прыступілі супрацоўнікі станцыі. Менш чым за 4 хвіліны ўзгаранне ўдалося ліквідаваць.
Людзі ў выніку здарэння не пацярпелі, маёмасць АЗС таксама засталася цэлай. На месца былі выкліканы супрацоўнікі МНС, але пажар быў ліквідаваны да іх прыбыцця.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)